نفساني - عرض مشاركة واحدة

15-08-2003, 05:59 PM

بسم الله الرحمن الرحيم
السلام عليكم ورحمة الله وبركاته ...
عندي اخ صغير عمره 6سنوات لديه شلل دماغي (تخلف عقلي )وتشنج ولا يتكلم ولم يكن قادر على المشي ولكن بفضل الله ثم التدريب المستمر اصبح يمشي عندما كان عمره 3 سنوات
ولكن سلوكه غير طبيعي مثلاً:
لما يصحى من النوم يكون عصبي مايبغى يسمع اي صوت ويصيح لما يسمع الصوت ولايبغى ياكل فطور ولا يهدأ الا لما يجي الظهر ياكل ويلعب بس مايلعب مثل الاطفال العاديين لا مثلاً يحوس الاشياء يطلعها من مكانها او يحب يقطع المجلات والجرايد ومايحب يلمس اي شئ فرو او عروسه لعبة لانه يخاف من هذي الاشياء ومايحب يسمع الاصوات مثل صوت اخته لما تصيح يجي ويضربها او يصارخ ويصيح ولايحب يسمع القران بس يحب يسمع الاناشيد الاسلامية حقت الاطفال الي تجي في قناة المجد ويحب الدعاية والرسوم المتحركه.
ولايحب يشرب المويه الا من يد امي ولايشرب الا لما امي تغلق شباك المطبخ وعصبي وعلى فكره تراه يحب امي كثييير ومايقدر يفارقها وكل ساعه يجي يبوسها .
وعنده عادة سيئه مثلاً لما يشوف شئ يشد الانتباه يرفرف بيده على فمه ويتوسخ وجه بالعاب ويسبب لنا احراج عند الناس
وما نحب نطلع به عند الناس بسبب سلوكه هذا وازعاجه لانه لما بيروح اي مكان يبغاك تمشينه معك طول الوقت ولاتجلسين ابد واذا ماسمعتي كلامه ترى بيصيح ويزعج الناس حتى ازاعاجه يسمعه الي في الشارع.
واذا كلمناه مايركز ولاينتبه ولايفهم ولايعرف احد الا امي بس ..
الدكتور النفسي كتب له دواء شراب اسمه Risperdal
1 ملي فقط لمدة ستة شهور واستعمله لمدة شهر ولا تحسن
ويستخدم ادويه ثانيه للتشنج مثل lamictal و nitrazepam واذا وقف الادويه هذي يرجع له التشنج
وابوي وامي ماقصروا معه دخلوه لمركز المعاقين بس قالوا مانقبله لانه مايعتمد على نفسه ولايروح الحمام اكرمكم الله ويستعمل الحفاظ ايضاً لانستطيع تعليمه بسبب ازعاجه ويصيح مايبغى احد يقرب عنده وماندري ايش نسوي معه .
يادكتورايش تنصحنا نسوي معه وايش رايك يستمر على العلاج النفسي ولا لا ؟
لان امي وقفت Risperdal ولااستفاد منه
وفيه سؤال محيرني صراحه.... هل اخوي فيه توحد ؟؟؟؟؟؟
واسفه على الاطاله وجزاكم الله خيرا على الجهود التي تبذلونها .

المصدر: نفساني