نفساني - عرض مشاركة واحدة

05-02-2012, 01:27 AM

وعليكم السلام مانسيت الجرح

انا معرفت انت اخ او اخت عشان كذا بكلمك انك اخ

نقطه مهمه لازم تعرفها اخي في مقولة مشهورة انه 90% من المرض نفسي والباقي عضوي ميثال

اذا كان واحد عنده مغص اذا كان يفكر انا مغموص وتعبان الخ ...تشوف حالته كانه خلاص منتهي وهوا مافي اصلن شي تكون نزلة برد وهوا مكبر الموضوع والي ذابحه الوسواس

بالنسبة لكلامك انك قلت انك عرفت انها نوبة هلع وتمر بسلام هذا كلام جميل وممتاز وتستاهل علية التحية بس لازم تعرف انه عقلك الباطن يحتفظ بكل افكارك وما يمسح شي يعني لما جاتك حالة ضيق بالصدر عقلك الباطن بدون مقدمات جابلك افكار الهلع وحسسك انه هذا مو هلع هذا شي حقيقي وانك لاقدر الله مصاب بذبحه صدرية وهذا كلها اوهام باوهام لانك انت بالاساس ماتخلصت من الهلع الخوف موجود عندك ولازم تحط ببالك انه لو صار معك اي شي يمكن عقلك الباطن يستدعي الهلع انت لازم انتكون مستعد وبقولك نصائح لحل مشكلتك باخر الموضوع

بالنسبة لجملتك هذي "ولا استطيع أن أجلس في مكان واحد حتى أصابتني هذي النوبات بالتوتر والقلق والاكتئاب والخوف الشديد واحسست انني سأصاب بـالجنون من قوتها" هذا شيئ طبيعي جداجدا ومايخوف ابدا ويدل على انك طبيعي جدا وسبب هذه الافكار انك تفكر بحل وتبي تتخلص من المشكلة وكل حياتك وكل ساعاتك وانت تفكر ليش يصير معي كذا وتقول نفسي ارجع زي اول ....الخ من كثر التفكير وعدم الشعور الراحه سببلك نوع من الترقب يعني اعصابك مشدوده دايما وهذا الشي سببلك نوع من التوتر والتوتر سبب رئيسي بعدم الجلوس بمكان واحد والاكتئاب سببه انك تبي تتخلص من الحاله وهذا الشي شاغل باللك اجباري بصير معك اكتئاب ومو بس انت الي مريت بهالحاله انا مريت فيها كمان ومريت بحالة اني اخاف يصيبيني جنون اقوللك اخوي تطمن ولاتشغل باللك هذي امور عادي تروح مع الايام لانه وضع مؤقت حتى لوطال الامور لا تخاف واقتبس من مضوعك هالجملة "لماذا لم يقضي الدواء على هذه المشاعر"
طبعا الدواء له تاثير كبير على الحالة لكان انت حسيت بالتحسن ليس بسبب الدواء بل انك مقتنع انه الدوا هوا الي يشفيك صرت تتحسن انه خلاص هذا الدواء هوا الي يبي يعلاجني ولكن بس صرت تشك بالدواء وتقول "لماذا لم يقضي الدواء على هذه المشاعر" رجعلتلك الحالة اخوي انت بديت تتحسن لانك صرت تطنش وتقول انه خلاص في دواء يعالج المشكلة طيب هذا كلام حلو بس لازم يكون في عندك علاج سلوكي معا جنبا بجنب للتخلص من الهلع

طبعا كل الي كلته فوق مقدمه والاتي هوا الزبدة

كل الي يصير معك عادي ومايخوف اخوي اطمن ولا يروح باللك لبعيد الافكار السلبية هي الي تخليك كذا صحيح انت تحس باعراض كثيرة بس هذه الاعراض مستحدثه تروح مع زوال السبب والسبب اقولك اياه بكل بساطه افكارك اخوي نعم افكارك كل الي معك والي يصير معك افكار تافه انت بتقول ماتقدر تطنش بالعكس الانسان الي مصاب بالهلع مصنف عالما انه اكبر مطنش والسبب انه يطنش كل شي بالدنيا ويفكر بفكرة وحده كيف تقولي ماتقدر تطنش يعني انا لو بسالك ايش صار مع اخوك بالمدرسه اليوم او مع ابنك حتعرف مستحيل لانك مطنش وملفت لاوهام تفافه لو بسالك مين اعرس من قرايبكم مارح تعرف لو ابي اسالك ايش اكلت اليوم مارح تعرف لا تخاف اخوف وقرى معي هل المعادلة

اذا اجهدت نفسك بالتفكير اعصابك تتعب واذا تتعب اعاصبك يصير معك تشنجات واذا رحت نمت تصحى مضايق هذا كله بسبب فكرة ليش تخلي فكرة تسيطر عليك انصحك بالتالي

1 حافظ على صلواتك تريحك روحيا
2- ممارسة الرياضة بشكل دائم تخلي جهازك التفسي اقوى وقلبك اقوى والخوف من امراض القلب يزول ان شاء الله
3- عدم الانعازال لاتعطي مجال مع نفسك خليك دايما مع اهلك او صحابك او اولادك وفتح مواضيعي
4-هدي اعصابك ولا تعصب من اي شي يمكن اول شي تستصعب الشي بس بعدين حتدعيلي
5-تفه فكرة الخوف كل ماتجيك الفكرة قول فكرة تافه عشرة مرات كررها وكل ماجتك فكرة حلوة قول فكرة منعشة
6- انتبه انك تستسلم لا اذا جاتك نوبة هلع كون اوقة منها وقول هذا الي عندك ياهلع قديمه هات اقوى ماعندك ماعدت اخاف مع ابتسامه
7- لا تتكلم مع اي احد عن مشكلتك خلها بينك وبين دكتورك عشان ما تكبر
8- عود نفسك قبل ساعه من النوم اتفرج على برامج مسلي عشان افكارك تكون حلوة قبل النوم وتنام مبسوط

اتمنى اكون خففت عليك لو بشيئ بسيط واي شي عندك جاهز لاتتردد اخوانك احنا بتقرى كل شي تكتبة الله يجعل السكينه بقلبك

تحياتي..