نفساني - عرض مشاركة واحدة

06-02-2012, 09:06 PM

اقتباس:

المشاركة الأصلية كتبت بواسطة آخـر العنقود

مرحبا ..

ماشاء الله عليهم
الله يعافي كل مريض ويرفع عن كل مكروب يا رب

--

مو أتحسس لأني مريضة
أتحسس من الفضول والإزعاج
من طبعي ماأحب أتدخل بأحد وأحب هالأسلوب معاي
زين من أهلي ماعليه أعديها
بس اللي من برى لا \ أتضايق - أستحي - اللي هو بس ماأرد

لما نكون بإنتظار العيادة وتجي وحدة تسألني ليه عند العصبية وش فيك وليه مريضة ؟؟..
ماأرد أو أرد رد تسليك !!

ههههه ، حلوة تسليك،

عارف ياقلبي انك تتضايقي من الفضول، وانا أقصد ان تتعاملي مع الفضول

بالطريقة اللي خبرتك عنها

من جد رايقين أسئلة تحقيقية ماأتوقعها وربي أذكياء لأن الي يسأل كذا لماح وفطين هههههه
وأنا أشرح وش فيني ووش خطوات مرضي ووش أحس وبنص الكلام يجي سؤال مع هذا التعب تحملين !!
أرجع أقول مو متزوجة ياحرام مو ناقصك شيء
ماأدري شايفين لوحة على رآسي مكتملة وغير متزوجة !! << هههههه حشا فراشة مو آدمي ههههههه

ههههههههه

تخلصي من شغلة ويطلعولك بالثانية

صعب لما أكون رايقة ماعليه يأرد شوي شوي
لكن لو إني في وضع مايسمح والله زين اللي أرد على أبوي ههههه

الوهن العضلي يزيد بخمسة أيام قبل الدورة وباقي الشهر عادي هو الوقت اللي ينخدعون فيه اللي يشوفوني هههه

مجرد ماتجي يخف التعب تدريجياً وأتنشط
عشان هرمون الأستروجين أكيد أنتم يالأطباء تعرفون علاقتهم ببعض ...

وكذا فيه أيام ماأقدر أتحرك يادوب أصلي وبالبيت بس لو إيه ماأطلع برى
بالبداية كانوا حتى أهلي يستغربون وماأشرح لهم
ومرة على مرة اللي يدخل معاي للطبيب فالطبيب يشرحها
كيف الدورة وكيف التعب وكذا أخواني فهموا بدون ماأتكلم لهم

حتى ولد أختي كنت لما أقول له أبي السوق هالأسبوع عشان ماأتعب كان يسأل ليه تتعبين بأوقات وأطنشه
مرة سمع الطبيب وخلاص عذرني لما أقول له نروح مشوار يعني نروح خخخخخ
بس مرة كنا في مجلس حريم
وأنعزمنا على حفلة تخرج
أختي قالت أوك وأصرت علي البنت وأمها
فقلت نشوف كم التاريخ ؟؟
وقلت طيب أختي فهمت بس الحرمة نشبت لنا
ماأنتِ جايه وش فيكم وليه التاريخ ووو أسئلة كثيرة وماشرحت ههههههه ومارحت للحفلة خخخخ

بهالحالات اللي كذا شلون أعديها بفكاهة !! وأنا يزيد عليّ التعب بسببها
بجد مرات يستوجب أشرح شرح تفسيري ههههه وماأقدر لا الوضع يسمح أتكلم ولا أتريق !!

فعلا هالمواقف صعبة، ولا الناس راح تفهم شغلة نشاط وخمول الاعراض

انا ماقول لازم الفكاهة والتريقة خخخخ لكن اقصد خذيهم على قد عقولهم

والله انهم مساكين وتحسي انهم غصبا عنهم يسألوا

لما أقول تعبانة زوجة أخوي دايم تقول لي كل البنات يتعبون ماعليك << أحس كلمتها علاج وربي
لأنها فهمت بدون شرح مطول إن فيه أوقات صعبة وبس مالها داعي الكلام الطويل

من كم سنة جاتني نكسة وهن عشان زعلت من مشكلة صارت بين أخواني
وضغطت على نفسي ست أشهر وأنفجرت لما قفلت عيني الشمال بالمرة
وتنومت نص يوم بس !!
قال الطبيب مافيها شيء عضوي والوهن تمام وخرجني
طلعنا من المستشفى وأخذني أخوي بالقوة لطبيب نفسي
ماأعطاني أدوية بس كلام !! وكم جلسة وخفيت !! كتبت شعوري بدقة في لحظات التعب بمفكرتي
لليوم كل ماأقرأ اللي كاتبته ووصفي للحالة اللي مريت فيها أخاف وأعيش نفس الحالة !!
أول مرة أحس الموت من لما عرفت الوهن

على سيرة التدوين
أنا أكتب المحطات اللي تمر بحياتي حلوة أو مرة وأرجع أقراها بين وبين
صحي هالتصرف وإلا يتعبني ؟؟

لا أختي، المفروض ماترجعي للذكريات المؤلمة ان كانت تتعبك

اذا رجعتي لها من باب ان تشكري الله على تحسن حالك وعلى قولتهم "كنا فين وبقينا

فين" فلا بأس فهذا يحسن النفسية

من فترة سألت أخواني بتحتفظون بدفاتري لو أموت !!
صح تفاوتت الأجوبة بس كثير أجوبتهم كانت بلسم
لاتسألني ليه سألتهم كذا ماأدري \

--

بطاقة الصراف انتهت لها شهر وشوي
كل ماأتذكر درج البنك اللي مافيه درابزون وبالهواء كذا بالشارع ههههه يضيق صدري
بأحاول هالأسبوع لو لقيت أحد يوديني وأتوكل على الله أروح

--

بأرجع طبيعية مثل أول ؟؟
نفسي أرجع ماأفكر بالتعب ولا الوهن يعيقني عن حياتي مثل قبل
هالشهور هلكتني مرررة
تعطلت أشغالي وصارت مملة حياتي
حتى الصغار فقدوني ماصار لي بال عليهم الفترة اللي راحت
عمة وش فيك ؟؟ وعمة ماعاد تحبنا !!
لما قالتها لي بنت أخوي اللي بأول إبتدائي كرهت نفسي وربي :(

الله يعينك اختي، مرض الوهن هذي طبيعته ولازم تكيفي حياتك معاه

ركضنا أمس بالحوش كان الجو حلو مع شوية كتمة وغبار
ضحكات بنات أخوي تسوى العمر كله

جاني ولد أخوي تروحين الماركت
عشان توه يتعلم سواقة وخايف قلت طيب وبسرعة طلعت وماأخذت ميستنون وحاولت أنشغل بالسيارة لعبت بالآيفون عشان ماأفكر آخذها
مجرد مانزلت معاهم نسيت !! وماتعبت !!
بس هالحالة مو كل مرة تجي أحيان التفكير يغلبني ويشلني

بس كثرت كلام !!
ههههه

شكراً لك
جزاك الله خير

ههههه، ربي يسعدك ياطيبة،، خذي راحتك، أحيانا الواحد يرتاح بمجرد مايتكلم

العفو أختي ويجزاكي الف خير

مااختفيت أختي لكن والله مشغول

متابع كتاباتك أختي، والله يكون بعونك

اصبري ولك أجر