نفساني - عرض مشاركة واحدة

13-02-2012, 03:35 PM

مرحبا ..

فيه نوعين وهن بالوجه بس اسمه mgo
ووهن بكل عضلة بالجسم اسمه mg
هذا اللي أعرفه !!

أنا سويت عملية إزالة لغدة الثايموما بعام 2000 فتح صدر :(
وماأدري وش أسم الفحص والله
وماأعرف إلا إنهم سووا تخطيط كهربائي للعضل
وتحليل الإستيل كولين وراح لألمانيا لأن المختبر الوحيد بالعالم هناك ومنه جاء التشخيص

والميستنون ماشي معاي وماقد جاني نكسة قوية مررررة
وإن جات تكون نفسية ههههههه يكون قبلها ضغط وزعل !!
الوهن يتأثر كذا وأطيح عليهم
يمكن مرتين أو ثلاث خلال 14 سنة الحمد لله
مو كثير الله يديمها نعم ويرفع عني عاجلاً غير آجل يا رب ..

--

فيه شغلات كثيررر تمنع أمي تعتمد على غيري
يمكن أولها خوفها يتضايقون منها ويزعلون مثل غيرهم هذا سبب
وأنا وتعاملي معاها سبب يعني نحنا نكون كلنا متواجدين أنا اللي أنتبه لكل شيء منهم !!
في حين أخواني متواجدين طيب ليه مايكون بالهم مع والديني ؟؟ !!
هذا البرود في التعامل مخلي أمي وأبوي مايمونون عليهم
لما أقول لها نروح مكان تقول لا نثقل عليهم
لا مشغولين لا ولا ولا !!
مع إن أخواني اللي معانا كويسين مررة مادياً ومعنوياً ومايرفضون لها طلب لوجينا للحق الله يخليهم ويهديهم

يمكن يجي ببالك إن أمي وأبوي ظلمة أو تعاملهم مو تمام مع أخواني عشان كذا فيه كم واحد زعلانين
لا والله الله يجزاهم الجنة أكرمونا وربونا في وقت كانت أحوال أبوي صعبة مرة
لكن اللئيم يتمرد وولو شعلوا له أصابعهم برضو ملامين
ولو تعرف نوعية مشاكلنا أقل ماأسميها لعب أطفال مافي عاقل بتشغله لكن أبليس حاضر الله يهديهم ويردهم لنا بخير
ناجحين بأعمالهم وعوايلهم وحياتهم مريحة
على قول أمي حتى ماصاعوا مثل الشباب هههههههه عشان يخربون علينا
ههههههههههههه الله يخليها لي أحيان تتريق من وجعها ،،

ونجاح أخواني وأخواتي بحياتهم دليل تربية صحيحة وإلا لا ؟؟ لكن الفشل في تعاملهم مع الوالدين وهي أكبر مصيبة ..
دائماً أعزي أمي وأبوي إن كل واحد بالدنيا يقوم بالدور اللي ربي خلقه عشانه
الأم والأب بواجبهم وفي المقابل الأولاد يعطونهم حقهم
لكن فيه خلل الله أعلم وينه ..

من كم يوم كنت أتريق أقول بنآخذ البرفيسور طارق الحبيب أخونا لمدة سنة ههههه قال لي أخوي والله ليعجز يحل مشاكلنا هههههه بيطلع مجنون من عندنا

--

اقتباس:

أنا ماأطلب منك تضعفي او تتمسكني، لا، إبذلي جهدك تكوني قوية ومعتمدة على

نفسك، واللي ماتقدري عليه قولي ماا أقدر

لاتلومني ماأقدر كلهم متعودين مني ماقد قلت لا لهم أو لأخواني كل اللي يبونه أسويه
شعور غريب يجبرني أنفذ حتى لو ضد رغباتي ..

ولادتي غريبة
ووضعي معاهم غريب
والرزق اللي أنفتح على أبوي ورفعهم من الفقر إلى المتوسط بعد ولادتي !! كان غريب
مرضي غريب وتوقيت مرضي أغرب
ظروف المرض والتعالج والناس اللي أقابلهم كلها غريبة
أحلامي وتخطيطي مع أخوي الغالي لمشاريعنا وشغلنا غريبة
مابأقول إني ملاك ومنزلة لا !! بس فيه شيء غريب ماأعرفه ..

يمكن ماتصدقني بس والله العظيم فيه شيء ماأقدر أشرحه وأنا أرتحت هنا وأنا أتكلم
عشان كذا قلت هالشعور

يتريقون عليّ إني مخاوية هههههههههه لأني أقول شغلات وتصير و أتوقع أمر ويحصل
مو مخاوية ههه بس بداخلي أحاسيس كثيرة تخربطني أحيان كثيرة أضطر أكتبها وأفجرها بالورق عشان أعرف ماأحد بيصدقني لو أقولها !!

قلت لهم مرة شغلة ببالي أخذوني طقطقة لدرجة ولد أختي سماني بالجوال بهالأسم !!
أقسم لك بالله إني أشوف أول خطواتها الحين تصير !!
من فترة لما قلت لأختي متخيلة تتم !! قالت لي بديت أصدقك !!<< تو الناس هههههههه
ماأقدر أقولها ههههه عشان ماتتريق عليّ بعد وأعصب عليك << :D

--

متأكدة يإذن الله إني بأشفى وهالشعور يزيد بقوة كل يوم حتى وأنا تعبانة
رغم إني أعرف إن الوهن مايشفى منه لكن متأملة بالله خير كبير وبيكون لي عند ظني به تعالى لايعجزه أمر ..
أعرف إن لي مستقبل حلو كثير ومتأكدة بتكون ذي كلها ذكرى
بس أبي أتجاوزها وماتأثر بي وماتعيقني

--

كالعادة أنفكيت ههههههه مع إن ودي أكتب بعد بس أنت تعبان :( ..

شكراً لوقتك \ جزاك الله الجنة ومعافى يا رب

أستودع الله كل ماكتبت ..