محسن 22

بيانات اضافيه [ + ]

رقم العضوية : 4308  تاريخ التسجيل :  07 2003  أخر زيارة : 31-05-2004 (11:31 PM)  المشاركات : 29 [ + ]  التقييم :  10

لوني المفضل : Cadetblue

اولا اهديك السلام

السلام عليكم ورحمة الله وبركاته

ثانيا ما قصدت شي بكلمة مليتي الا اني اخشى ان اكون طولتها معاكي بكثر الردود

ثانيا : انا ما اخشى مواجهة الناس والكلام معاهم لكن لما يكون الموقف فيه رسميات اجد نفسي مرتبك جدا لدرجة اني اشعر بارتعاش في يديني واقدامي واشعر كأني راح يغمى علي واشعر ايضا ان ريقي جاف واتلعثم في الكلام واتمنى الكلام يخلص واسرع في الكلام لغاية ما يبان علي كأني راح ابكي امام الناس وشي ثاني يحمر وجهي من الخجل واللي اشوفه من مراقبة الناس لي وهم يبحلقون عيونهم فيني . ودائما اشيل هم وغم لأي موقف رسمي مثلا لو طلبني المدير اشيل هم الربكه اللي راح تحصل امامه . وبالذات لما يكون معاه ناس في الغرفه اخاف جدا وارتبك واحيانا كثيرة اتجنب الدخول اليه بأي حجه ولا استطيع حتى التفكير في الدخول اليه واذا لزم الأمر ولازم ادخل عليه اجلس افكر ايش راح اقوله وهل عنده ناس او لا ؟ وكم مره اتجنب المسابقات والقاء الكلمات اما الناس ولو اموت ما افعلها .

يعني انا اشوف اني ارتعب من المواقف الرسميه فقط وليس الكلام كل الكلام مع الناس . ولكن حتى الكلام العادي مع اهلي لو صار وتحول الى صفه رسميه مثلا لو كنا نتكلم عن قصه وتركوا لي الكلام اتغير على طول ونبضات قلبي تزيد وكأن قلبي راح يخرج من مكانه واشعر بدوار وادور اي عذر لأتوقف عن الكلام وسرد القصه كأن مثلا معاي كحه او رعاف وصار هذا كثير بس الى متى الى متى ... والله ما يشعر بهذي الحالة الا شخص عانا من الرهاب احيانا اتمنى لو اموت ولا اقف موقف اكون فيه مكان استهزاء من احد ..

عروب الكويت ..... انا كلي اسف لأني والله والله حاس اني طولتها معاكي وبكل صدق اقولها لك .. والله بأدعيلك في ظهر الغيب ان الله يبعدك عن كل شر ويجلب لك السعاده في الدنيا والآخره ..

انا بصراحه حاب اكمل كلامي بس ... كفايه لغاية كذا ...... والمهم اني راح اسمع كلامك وراح اجرب وصفتك ... حبتين سيبرام وحبه زنكس مساء .. وادعي لي بالشفاء...

وراح ابلغك ان شاء الله بعد عشرة ايام ايش اللي حصل معايا وان شاء الله خير بفضل دعواتك لا تحرميني منها ...

الى لقاء قريب اختي الفاضلة عروب الكويت