18-02-2012, 02:14 PM
|
#3
|
|
عضو نشط
تناثر الرماد في الظلام
|
بيانات اضافيه [
+
]
|
|
رقم العضوية : 31470
|
|
تاريخ التسجيل : 08 2010
|
|
أخر زيارة : 14-03-2018 (08:26 AM)
|
|
المشاركات :
221 [
+
] |
|
التقييم : 10
|
|
|
لوني المفضل : Gray
|
|
اخوي مملت من الحياه هدي يااخوي انت فهمتني غلط
انا مااقول اكذبو لا والله ماودي احد يكذب بس الكلمه الطيبه زينه
تغير بالنفس بالله عليك لو انت رحت لدكتور وقلت له حالتك
الدكتور الاول
جلس يضحك عليك ويتريق عليك
ويقول انت اصلا مريض نفسيا وبقوه , الدكتور الثاني
ابتسم بوجهك وقال لا تخاف وتوكل على الله كل شي بأمر الله يصير ومثل ماقال
الرسول عليه الصلاه والسلام كل داء له دواء 
من افضل برئيك
الدكتور الاول ولا الثاني اكيــــد 1000% الدكتور الثاني , طيب ليش .؟
عشان الاول اسلوبه قاسي قال تعالى ( لو كنت فظاً غليظ القلب لأنفضوا من حولك)
يعني بالله عليك الحين الدكتور النفسي يعطيك بالوجه يقول انت فيك وفيك وفيك
ولا يبدأ يهدي من نفسك ليش يهدي من نفسك هل هو كذب علي .؟
لا طبعا ماكذب فقط يهدي النفسيه التعبانه بس لا شي اكثر
فيه فرق يااخوي بين الكذب وبين تهدئه النفسيه
يااخوي تفكيرك مو مثل تفكير الغير امكن انت قابل بمرضك وكمان ماتحب احد يهديك
الي فهمته منك تحب تتقبل الامر الواقع
لكن غيرك مثلا لو سمع انه مرضي مثلا بالاكتئاب او ....الخ من الامراض
يزيد الطين بله اتمنى فهمت علي
+
اقتباس:
أين العلاج ؟ ، ( كل داء له دواء ) المعنى من الحديث أن تأخذ بالسبب ( الدواء ) حتى تتعالج .
وإذا كان ليس هناك دواء ؟
هل يتعالج المريض من ( وحده) ؟
|
الرسول عليه الصلاه والسلام من قال كل داء له دواء
هل يقصد الدواء هو العلاج لا طبعا
مو كل شي علاج , مثال عندك المرض الروحي او العين كيف تروح هل ناخذ علاج
عشان تروح العين ...؟
لا طبعا مستحيل لازم بالقران تروح العين والقران دواء
فهمت علي اخوي
يعني الرسول ماقصد بالدواء بالعلاج
الدواء يعني الشي الي يكون سبب في الشفاء
مثال عندك المرض النفسي والله يا اخوي اعاني منه معاناه شديد اكلت علاج
مافادني ابد ابد الا قليل
طيب هل المريض النفسي بس ياخذ علاج لا طبعا تكميله العلاج ياخذ جلسات
بالاختصار ( الحواار ) يبدأ الدكتور يحاور المريض
ومستحيل يبدأ يحبط نفسيته ويقول له اشياء تحبط من معنويته
يبدأ بالتفائل وتفائلو بالخير تجدوه
+
اقتباس:
|
لماذا لم تتعالج الناس من الإكتئاب ، خصوصاً الشديد ؟
|
ابي شي واحد من قالك ان الاكتئاب محد تعالج منه والله اني نفس الشي عندي اكتئاب شديد
لدرجه مره من كثر الانهيار يهدوني بأبر , يعني اخس من الناس الي ياكلون علاج بالحبوب
طبعا اكتئاب من طفوله تعرف الشيء لو تعلق بالطفوله صعب تعالجه ليش لانه يأثر على النفسيه
والحمدلله انا في تحسن بفضل الله ثم العلاج مو العلاج الحبوب وبس واسكت واقول ماتشافيت لا طبعا
فيه اشياء كثيره لازم نسويها واسأل مجرب لاتسأل طبيب
بعطيك مثال عن المرض النفسي الطفولي
مثال انت تنضرب وانت صغير تكبر لا شعوريا تخاف من الضرب ليش .؟ لانه شي متعلق بالطفوله
طيب عندك انا مرض من الطفوله + سحر ...الخ من الامراض والحمدلله مع العلاج + واهم اهم اهم شي
نفسك من جو وش تقول اذا قالت نفسك لاا انا مستحيل اتعالج فصدقني مستحيل تتعالج ليش طيب .؟
لن داخلك يوهم لك انك ماراح تتعالج ومستحيل تتعالج تغلب على هذا الشيء سوي تحدي
ايه تحدى نفسك قول انا مو ناقص شي عن الناس الشيطان ماراح يربح انا الي ابغى افوز
صدقني انت بنفسك تعالج نفسك الرسول ماكذب من قال كل داء له دواء , غلطااان الي يعطيك علاج بدون
مايناقشك ,طيب ليش يناقشني .؟ عشان يخليك تقوى وتتغلب على الشي الي يحطم نفسيتك
الشي الي يدمر نفسيتك الشي الي هلكنا ومانعرف شي عنه
حاول اذا قال لك يافلان مستحيل انت راح تتعالج لا تقول ايوه صح لا , حاول تقاوم وتقول انا راح اتشافى
وليش لا والله يقول كن فيكون بس الله منتظر منك ترفع يدك وتدعيه وبس والامر كله بيد الله
بجيب لك مثال //
انسان ماشاء الله متفائل بقوووه هل يمكن انك تخليه حزين ..؟
مستحيل ماتقدر حتى لو قلت انت مجنون انت شكلك جاي غلط انت وانت ..الخ راح يضحك ويطنش كلامك
تجي تقول غريبه ليش ماحزن ..؟
لان هو متغلب على نفسه مو اي كلمه تهزه متفاااااااااااااااااائل وماهمه اي شي اهم شي انا سعيد
طيب تجي تقول من وين اجيب السعاده وانا الاكتئاب ذابحني .؟
قلنا بالبدايه نتخلص من الي بداخلنا الشي السلبي نتخلص منه حتى لو جاب لنا افكار نطنش
بسألك اخوي مللت من الحياه انت مرتاح لفكره الجهاد .؟
اوك ماابي اتدخل بأمور الجهاد لاني مااعرف عنها شي بس بسأل عن الفكره الي انت جبتها
هل انت مرتاح لها ..؟
هل انت بصدق تعالجت قبل لا تتخذ قرارك ..؟
هل قدرت تبذل الاسباب وتحاول تغير من نفسك ..؟
معقوله ماودك تعيش مثل الناس ..؟
انت تقدر ايه نعم يااخوي تقدر تعيش سعيد اذا كنت ماتعصي الله فأبشر بالخير
بس مجرد محاربه بين نفسك وبين المرض عاد انت تقرر من الي يربح انت ولا مرضك ..؟
اقتباس:
|
لماذا المريض ينتقل من علاج إلى علاج ( وبدون ) أدنى فائدة ؟
|
نصيحه اخوي لازم تروح عند دكتور ثقه لان اذا الدكتور ماخلا تاخذ جلسات حوار + علاج مهدي
اشك انه دكتور عاد انت ادرى وانا ماعندي خبره بالعلاج بس احتمال انه ماناسبك او احتمال انت دخلت
مرحله ثانيه تحتاج لعلاج ثاني
اقتباس:
|
أنا جربت ( راقي ) وجربت ( بروزاك ) حتى أصابني شيء من تبلد ( الإحساس ) وأصبحت جسد ( بلا روح ) .
|
نصيحه مني جيب ورقه وقلم واكتب الشي الي تحبه والشي الي تكرهه مستحيل انت على الدنيا
ومافيه اشياء تحبه , الاشياء الي تكرهها حااااول بقدر ماتقدر تبعد عنهاا والاشياء الي تحبها تقرب منها اكثر واكثر
وصدقني هذي بدايه العلاج التقرب من الشي الي تحبه , وكل ماحسيت بضيقه وتوتر سوي شي انت تحبه
بعيد عن المعاصي عشان ربي يبارك لك
اقتباس:
|
ولكن نقول ( الحمد لله على كل شيء ) وَ ( قضاء وقدر )
|
طيب ما شاء الله تبارك الرحمن هذا هو الشي الحلو صدقني ربي ماراح يخيبك
ابشر بالخير انا متأكده انك قدها وقدود , والي اثبت لي انك سجلت بهذا الموقع
وبالتوفيق
|
|
|
|