مبتغاي الجنة

بيانات اضافيه [ + ]

رقم العضوية : 37412  تاريخ التسجيل :  02 2012  أخر زيارة : 08-10-2014 (07:30 AM)  المشاركات : 175 [ + ]  التقييم :  10

لوني المفضل : Cadetblue

السلام عليكم

السلام عليكم يا إخواني.

أنا أم لطفلة عمرها سنة. مشكلتي بدت بعد ماولدت طفلتي. ب3 شهور تقريبا. كانت الساعة 3 بالليل وكنت نايمة. فالبداية حسيت دقات قلبي تزيد وكان شيء يخنقني. صحيت من النوم وصحيت زوجي وكنت أقوله بموت. راح أمووت. وأنا فعلا حسيت بأعراض الموت. كان الموت يناديني. قاللي بوديكي المستشفى. وأنا البس عباتي. رئولي ترجف وأيدي ترجف بشكل غير طبيعي. حسيت اني بموت. وفالدرب أحس ريقي ينشف وأنا أشرب ماي بكثرة. سرت سويت فحص قلب. وفحص دم وكل الفحوصات كانت طبيعية. رجعت البيت وأنا في حيرة من امري وبدى عندي وسواس أن فيني مس أو عين. أو حسد ورحت عند شيخ. كان يرقيني. بس ماحسيت بتحسن. وكنت أقرئ سورة البقرة والحمدلله تحسنت حالتي شوي. بعدها بشهرين. أحس ألم بصدري. وأحس اني مو مع العالم. وأحس بيغمى علي. بعد فترة توفت صديقتي الله يرحمها. بنفس اليوم. لما وصلني الخبر. حسيت أن روحي بتطلع. ومن ذاك اليوم. وأنا كل يوم أقول بكرة راح أموت. وكنت أخاف بشكل غير طبيعي. حتى من الصوت العادي. وماكنت أحب اقعد بروحي. تعبت جدددا تعبت لاكن الحمدلله على كل حال. مأخليت شيخ مارحت له وكلهم يقولولي عين. وحالتي ماتحسنت أبدا. وكل يوم كانت أحلام وكوأبيس تصحيني من النوم. وبهعد فترة. خلاص ماصرت أحس اني صاحية. صرت أحس أن مخي ثقيل. وراسي ثقيل ومافي توازن أبدا. قررت اني أروح لطبيب نفسي. والله أعانني على هالشي. مع اني ماعرف شو فيني. بس قلت بستشير الطبيب وبجرب. رحت للطبيب. وإعطاني حبوب اسمها بروزاك. قالي أخذها لمدة 6 شهور. الحين تحسنت حالتي بنسبة 10 بالمئة. بس عندي وسواس الموت اللي مو راضي يخليني بحالي. مجرد ماحس نفسي تعبانة. أقول خلاص راح أموت. والعياذ بالله من هالمرض. أرجو الإفادة. والمساعدة والنصح منكم.

المصدر: نفساني