المشاركة الأصلية كتبت بواسطة الفواكه الحمراء

اهلا وسهلا فيكي ,,,,,,,ومبروك لصحبنك ,,,,,,, شوفي ياعسل ابو صحبتك يكتب معروض طلب زواج معاه صوره من كرت العائله صوره من اقامه العريس صورة من مكان ولادته صورة من الشغل والراتب يكون مصدق من الغرفه التجاريه واعتقد ورقه من مكان سكن العروسه ومختومه من عمده الحي ورقم جوال ابوها وجميع الاوراق تنحط بملف ويروح ابوها للاماره حقت المنطقه الى هما فيها ويقدم يروح عند قسم الزواج ويحطها هناك خلال يومين توصلو رساله برقم المعامله ويروح يراجع ابو البنت وطبعا تتاخر كم شهر فى حال قالو له حفظت معناتو تعيد من اول وجديد ولو اتصلو عليه شرطه الحى نفسو معاناتو خير ان شااء الله خير لان فى حال الموافقه المبدئيه تترسل لمقر الشرطه وفي حاله عدم الموافقه يقولو حفظت في حال اترسلت للشرطه وابوها راح وطلبو حضور العريس معناتو شي كويس ويعطو للعريس وابوها اوراق من ضمنها الفحص الطبي ويشمل فحص الامراض النفسيه وفحص شااااامل وشهادة تعريف للبنت في حاله شغلها وعندها راااااتب وكم راتبها الخ,,,,,,,,,,,,, الزوج الاجنبي مرمطه على الاخر ورقه من جميع مراكز الشرطه ورقه من الجوازات ورقه من الترحيل ورقه من الادله الجنائيه ورقه من المباحث ورقه من الصحه النفسيه ورقه المستشفي واوراق شغل الزوج لليل المهم انها تاخد نسخه من مدير المستشفي عن فحصها انو سليمه ونسخه للعريس عشان لو اتيسرت امورها باذن الله وتعقد عند شيخ فى المحكمه يطلب نسخه من الفحص لها وله,,,,,,,, المهم بعد الحوسه دى كلها والاوراق كلها سليمه ترجع لنفس الشرطه وهوا من عندو يرفعها للاماره وتتحول للجنه الزواج ويرسلو رقم تااانى لى ابوها عشااان يراجع ويتاكدو من جميع الاوراق بااذن الله خلال 20 يوم بالكتير يعطوهم موعد في المحكمه مع شهود ويعقدو ,,,,,,,,,,طبعا دى الاجرائات في نااااس تاخد معاهم شهور في ناس شهر فى ناااس اسبوعين وادا كان بينهم صلة قرابه مره ممتاز بس ان شاء الله تزبط امورها لانها كبيره فوق ال25سنه بس اهم شئ الاوراق تكون سليمه ولا حرف نااااقص لان حيشفو العالم اغلبو يوقفو ضدهم والله يسرلها امرها ويكتبلها الى في الخير بس خليها تفكر وتستخير قبل كل شئ وعسي ربي يسرلى الموافقه وزواجى من الانسان الى ابغاه