نفساني - عرض مشاركة واحدة

19-03-2012, 09:54 PM

بسم الله الرحمن الرحيم

في البدايه اسأل الله لي ولكم ولجميع مرضى المسلمين الشفاء وان يجمع لنا بين الأجر والعافيه ..

ما راح اطول عليكم بختصر عليكم موضوعي ، انا كنت في إجازه خارج المملكه قبل خمس شهور وبعد وصولي لأرض الوطن كنت مره تعبان من تغير الأجواء ( مجرد احتقان وبداية انفلونزا ) ومع بداية التحسن بدأت عندي أعراض غريبه علي صداع وتسارع في نبضات القلب وخلال يوم او يومين تطور الوضع بشكل مخيف إلى أن صار صعب السيطره عليه ..

خلال اكثر من شهر وزياده ما خليت طوارئ بالرياض ما رحت له وفي بعض المرات ازور المستشفى ثلاث باليوم والمشكله ان جزء كبير من الأعراض تختفي بمجرد ما يقيسون لي الضغط ويطمنوني

طبعاً انا إنسان اجتماعي وشخص مسؤول في دوامي وفي مثل هالنوبات مثل ما انتم عارفين الشخص يصير يتختبط ولا يقدر يسيطر على نفسه خصوصاً انه إذا جتني هالحاله يبان علي والناس تخاف علي وهالشي يزيد من قوة النوبه

ما بقى شي ما فحصته سويت فحص كامل وكل شي ولله الحمد سليم لحد ما رحت طوارئ دله وكان فيه دكتور يمني الله يجزاه خير هو الوحيد اللي قدر يعرف شفيني كان يسوي لي تخطيط قلب ( ثاني مره اسويه ) أذكر مسك يدي وقال خايف قلت اي والله يا دكتور قال : اللي عندك نوبات هلع انت كل شي فيك سليم ولما استفسرت منه قال حاول تسيطر على نفسك وإذا ماقدرت لازم علاج دوائي

طبعاً مع مرور شهر من المعاناة ما حبيت اني اقاومها لوحدي توجهت لدكتور نفسي ما قصر شرح لي عن الحاله وصرف دواء ( روش + سيبراليكس )

حالياً ارتاح فتره وأتعب فتره والمشكله انه بدون خطه علاجيه واضحه

بس اللي بوضحه اني ولله الحمد شخص صبور جداً واعرف ان ما اصابني لم يكن ليخطئني وما انكر ان مرضي هذا خلاني اراجع نفسي بأشياء كثير خصوصاً في جانب العباده

لكن بسألكم هل هالمرض يعتبر مزمن ماله علاج ؟ لأني اشوف كثير من رواد المنتدى يعانون من فتره وبرضوا اشوف من زوار العياده اللي اروح لها لهم فتره وهم بين مد وجزر مع هالمرض

الشي الثاني وش تلاحظون من قوة الحاله عندي ؟ مع العلم اني تغيرت كثيراً فيه ناس كثير فقدوني بحكم اني اجتماعي لكن صرت اتهرب من الإجتماعات الزايده خوفاً من حدوث النوبه من ناحية ( مع اني ما اطلع من البيت إلا الدواء معي ) ومن ناحية اخرى أني احاول يكون وقت كبير اقضيه بالإسترخاء لأني مطالب بأشياء مره كبيره وكثيره في عملي

* أي شخص عنده استفسار او ملاحظه او نصيحه لا تحرموني

المصدر: نفساني