نفساني - عرض مشاركة واحدة

06-04-2012, 02:05 AM

مساء الخير اخوي ..

انا قرات اسئلتك و يبدو لي انك شخص تفكر كثير .. يعني كل موقف كل كلمة كل نظرة تفكر فيها ..
و الي يفكر بكل شيئ راح يعاني مو معقولة كذا راح تتعب كثير ..

بس حابة انبهك الى نقطة جدا ضرورية ..
رأيك هو المهم رأيك هو المهم ثم رأيك هو المهم رأيك بنفسك هو المهم ..
انت اكثر انسان تعرف فيه نفسك و مو معقولة اي انسان يهز ثقتك في نفسك بسبب كلمة ..او سلوك ..
يعني لما يقول لك واحد والله انت انسان ما عندك شخصية تروح طوالي تصدقة !!
او انت انسان ما تعرف !! او انت تجامل و موب صريح تروح على طول تصدقة !!
اجل على هذا الحال ما راح ترتاح ابداً لان الناس هي الي تحدد من هو انت و هذي مشكلة ..
انت اخوي الي يحدد هذا الشيئ مو الناس ..
تدري انو الناس ساعات يقولون اشياء ما يقصدونها و احياناً يقولون شيئ بس علشان يحطمونك
و ناس مايعرفونك كويس و يقولون اي كلام و السلام .. ما يفكرون فيه .. و يمكن لو تسألهم يقولون
ما نذكر و انت مصدقهم و قاعد تعاني ..
انت اكثر واحد يعرف نفسة و لا تسمح لأي احد انو يحدد من هو انت ..

بالنسبة لمزح اصدقائك ..
فيه ناس مزحها ثقيل و اذا كان يضايقك صدق ..خذة مرة على جنب و على انفراد و قل له ترى هذا يضايقني
و ما ابى تقوله لي مرة ثانية اذا من جد صديقك راح يقول لك انا اسف ما كنت اقصد او ما كنت ادري انو يضايقك

<<انا اذا اخطا علي احد افكر فيه ولاانساها واخاف اذا نسيتها ان يكون صار لي شي خطير او مصيبة او كارثة ونسيتها فاتذكر وافحص الماضي جيدا لااطمئن>>

معليش ما فهمتها هذي !!

<<افهموني جيدا اذا جائني ضغط فالمدرسة ورجعت البيت افكر في المشكلة واذا جيت البيت اقيد نفسي عن بعض الحاجات والمهارات والرياضات وان اعيش طبيعي لان زملائي يعتبروني اعتبار معين او انطباع معين او نظرة معينة >>

يعني انت تقصد لما احد يجرحك في المدرسة من احد زملائك .. ترجع للبيت و انت تحس انو مالك خلق شيئ
علشان كذا ما ودي تسوي اي شيئ ..هذا قصدك !!

5/وهذة مختلفة عن السابق وهي احس انني مجننون ولست عاقلا وبعض تصرفاتي تصرفات مجنون لو اذكر لكم تقولون مريض بلاشك ولاريب وهل فيه علاج دوائي يخليني ماني مريض وعاقلا ؟

يأخي في سن المراهقة احياناً نتصرف تصرفات مجنونة و غبية او فيها تهور بس مو دليل انو الواحد مجنون
هو السن في هذة المرحلة كذا مشاعرك تختلف طريقة تفكيرك تختلف تصرفاتك كلها تختلف في هذا السن و لما تكبر اكثر و اكثر تخف كثير هذا التصرفات .. بس انتبه لا تعور نفسك ..!!

/انا لاااستطيع ان اعييش مثل الشباب او اصدقائي

طيب ليش !! ايش الي يمنعك !!

7/زملائي يكلموني بطريقة غير الطريقة التي يكلمون بها اصدقاءئء الاخرين مثلا عشان متقولونانا متوهم يكلمون زملائي الاخرين بطريقة معتبرة وطرريقة محببة اما انا باستهانة وبطريقة تسقفيه

يمكن زملائك يرتاحون معك اكثر من غيرك علشان كذا يزيدون في الميانه (:

8/وهذه لازم فهم سوف اطر حها عبارة عن مثال مثلا لو جو العمل او الفصل او المسجد او اي مكان جو حزين او على طريقة معينة ورجعت الى البيت لازم مااعيش حياتي طبيعي لازم اعيش نفس الجو ان لم تفهموا ابلغوني

هذا طبيعي يعني لو انا رايحة عزاء و رجعت الى البيت بكون مبسوطة اكيد لا بتأثر شوي بجو الحزن الي كنت فيه
و شوية شوي يتغير مودي او مزاجي ..

9/انا مرح ومزوح واخلاقي مية مية واحب المزح لكن يستهينون فيني الناس ويعتبروني دلخ او مخفة او ضعيف او الى مالا نهاية

ما عليك من احد اذا كان هذا طبعك و مثل ما قلت اخلاق عال العال لا تهتم بأي احد .. خلك واثق من نفسك
بس احيانا يكون من الافضل انو ما نمزح .. يعني فيه اوقات مايصلح فيها المزح ابداً
يعني مطلوب تكون ثقيل شويه او حازم او تتصرف بحكمة ..

خليك زي ما انت مزاح و يحب الضحك بل على العكس الناس يحبون الي يمزح و يضحك و تقلى الناي دايم حوله
و يحبون مجلسه ..

بس فيه نقطة مو مستوعبتها كيف تقول ارجع من المدرسة و انت عمرك 23 سنة !!