*مافيني^شي*

بيانات اضافيه [ + ]

رقم العضوية : 4660  تاريخ التسجيل :  09 2003  أخر زيارة : 12-12-2003 (03:00 AM)  المشاركات : 1 [ + ]  التقييم :  10

لوني المفضل : Cadetblue

رسالتى الى الاطباء الفاضلين..ارجو انكم تساعدونى افهم الى صاير!

السلام عليكم ورحمة الله وبركاته انا حابه اطرح مشكلتى(اذا كنت اقدر اسميها كذا)واتمنى منكم شاكرين مساعدتى,انا لى اخ من ابوى عمره حوالى 9-8 سنوات وعندي اخت اصغر منه عمرها 7 سنين,وانا مانى عايشه معاهم,بس اشوفهم من وقت للثانى وبالاجازات اقعد عندهم مده معينه,وكنت غالبا لمااروح ازور الوالد اخذ معاى لهم هدايا,وكانت علاقتى باخوى على فارق السن بينا(انا عمرى 20)كويسه وكان يحترمنى ويحبنى,لكنى لاحظت فى الفتره الاخيره تغير كبير على تصرفاته,صار يتتريق كثير ويعلق على شكلى او شكل اي احد حتى انه صار يعلق على ملامح وجهى مثال انه يقول(انت خشمك طويل,ليه عيونك كذا)وطبعا هذى بتريقه ,وانا بصراحه تفاجات منه وتضايقت وبينت له انى زعلانه بس هو مااهتم وكررها,ومع كذا كلمته وقلته مايصير كذا وانو مافى احد يحب انه يتعيب عليه بشكله وانو زى مافى الناس عيوب انت فيك عيوب والناس تقدر تقولك زى مانت تقولها,رد وقال احسن انا بدافع عن نفسي وحاولت افهمه ان هذا غلط,ولما اقوله ليه تزعلنى تبينى اورح قال ايه روحى,بصراحه انا مره متفاجاه منه لان الولد حساس ومؤدب ويحبنى ويحترمنى بس مادرى ليه يتصرف كذا,يمكن يغار لان اختى كبرت شوى وبحكم ان احنا بنات فيه اشياء مشتركه بينا ونكون اقرب مع انى احاول اعاملهم زى بعض بس ساعات هى تجى تطلب منى اشياء واعطيها اياه لانها طلبت ولو هو طلب كنت عطيته مثلها,مادرى بصراحه ايش صارله وعموما هو ماصار يحترم احد مو بس انا مادرى هل هو اختلاطه بالاولاد اثر عليه,انا بصراحه الوضع مزعجنى جدا لانى حتى لو حاولت اكلمه بجد يوقف يتمسخر ويعيد الى اقوله وينرفزنى واخرشى اقوله خلاص روح,مره لما علق على شكلى مره انحرجت وغضبت وكان ودى اضربه لكنى تمالكت نفسى وقلت هذا توه صغير,بس ماجرى كيف اتصرف معاه,ياليت تساعدونى افهم هو ليه تغير كذا؟وكيف اقدر اتعامل معاه؟.وانا شاكره للجميع اهتمامكم وردكم على فى اقرب وقت ممكن.

المصدر: نفساني