نفساني - عرض مشاركة واحدة

20-04-2012, 02:00 PM

مو انت مسجل معاي في البرنامج خلاص حط كل حيلك هناك ..

و استخدمي تقنية التحدث ببطء لانها راح تريحك شوي و اذا ما فهمت اي شيئ قل لي مرة و اثنين و ثلاثة

لا تستحي انا مثل اختك الكبيرة .. و اي حاجة تحتاجها انا حاضرة ..

بعدين الخلافات العائلية موجودة في كل بيت .. اذا كان الوالد من النوع العصبي ..

و اذا شقت الوالد رايق و هادئ اجلس و سولف معاه او قوله تحتاج شيئ تبغى اسوي لك شيئ

انت عزيز علي و ودي اخدمك او اساعدك .. و لا تاخذ على كلام ابوك الناس لما يعصب يقول كلام ما يعنية

و الاب مهما كان تراه يحب اولاده .. هو يبدو شويه عصبي ..

بالنسبة للظلام ممكن تبدا شوية شوية ..

يعني مو لازم تنام في غرفة ظلام كامل .. اول شيئ نام بنور قوي و شوية و كل فترة نقص النور

حتى تصل الى انك تنام من دون نور ..

و قبل ما تنام فكر با اي شيئ ايجابي راح تسوين مثلا بكرة ..

تخيل مثلا انك قدرت تتكلم مع واحد من اصدقائك و قدرت تقنعة في موضوع او تخيل انك قدرت تحل مشكلة

مع واحد من اصدقاءك او عرفت كيف تتعامل مع واحد من اصدقاءك ..

علشان تشغل عقلك بشيئ حلو مو تفكر بالخوف من الظلام ..

و ردد انا اقدر اتغلب على الظلام ..

بس بسألك انت تتخانق مع اصدقاءك ليه .. يعني ليه يضربوك ؟

ليش ما تكلم احد من اخوانك الي اكبر منك يتفاهم معاهم .. ؟