آختي شدة وتزول خليتس مثل اسمتس . انا مثلتس بالظبط . عند النوم حالة الهلع تجيني .امس وقبله ومواصل بعد . تخيلي اقوم الساعه 6 الفجر واضل قايم الين الساعه 3 الفجر . ويتخربط روتين نومي وارجع ثاني مره واعدله واواصل للعشاء وانام عشان اقوم بدري وهذي حالتي . صدقيني حاس فيتس . لاني اعاني نفس الاحساس حتى اهلي تعبوو مني كل شوي رايح المستشفى . ومغذي ومهديات واشكر الدكتور هذا لانو دكتور فعلا ذو ذمه المهديات ماتصلح تخليتس كنتس مشلوله . النفسيه متازمه انا جربتها لكن بعدها اخترت اني اواجهه الامر . لو تطلب مني ذلك مفارقة الدنيا وفعلا . لـ صرت انام اقول للهلع تعال ادري انك مجرد عشر دقايق بالكثير وتروح وباللحظه هذي اكثر استغفار وادعي الله وانا فى حالة الهلع دقات قلب سريعه جفاف فى الشفاف تعرق فى اليدين رجفه فى الاطراف وخوف شديد ودي افر ولكن اين المفر غير مايحصل من ضيق التنفس وزغلله فى العين اشياء كثيره تجيني بضل عشر دقايق . وصارلي على هذا النحومآيقآرٍب تسع سنوات واكثر . بس نفس ماذكرتي انتي فترات تجيني وتروح .وصدقيني جربيها وقولي وخيي تعبان ماقالهاا استقبلي حالة الهلع وانتي ع الفراش وغمضي اعيونتس وفكري بافكار حلوه اجابيه اي شي وتذكري رحمة الله العظيمه التي وسعت كل شي والله ماتدرين انها سويعات الا انتي مفتحه عينتس تشوفين الساعه 7 الصباح وكل الاعراض اختفت . وحنا معتس ياوخيتي واي شي تبينه . لا تردتس اصابعتس اكتبيه .. بس حاليا . واجهي الهلع . واستقبليه كنه ضيف عزيز تعودتي عليه وقولي فى قرارة نفسك كلها ربع ساعه او اقل وهي تختلف نسبيا من شخص الى شخص بعضهم حالة الهلع مجرد خمس دقايق عنده وبعضهم عشر ماعمري شفت شخص طيلة تسع سنوات واكثر يقول انو حالة الهلع عنده طولت وصارت ساعه او ساعتين وانا اتحدى من يقول هذا القول .. كلها بالكثير عشر دقايق واقل بعد وتروح الاعراض وتقولين سبحان الله قبل شوي صداع . وخوف والم . والحين عافيه ورجعت لـ طبيعتي . عموما الله يشرح صدرتس ياوخيتي شده وتزول ويشفيك ويشفيني ويشفي كل مسلم ومسلمه . وادري الليله على الساعه 10 لاجيت ابي انام استقبل هالضيف العزيز ع قلبي :) ووقتها راح اعامله بمثل ماعامله كل مره . اخليه ع راحته لين تختفي وانام . :)