|
بسم الله والسلام عليكم ورحمة الله
والله من غير مجامله انا مبسوط كثير لأن فيه اعضاء على الأقل عبروا عن رأيهم وان كان هذا الرأي ليس ماأبحث عنه مرآه منتدانا ميرور واختنا مثايل وواهمه "وليعذروني" الأخ بســـام الذي كنت اتمنى تعقيبه المبكر للموضوع ... "ميرور" جدا اثلجت صدري بكلماتها واطراءها ويعلم الله عند سؤالي عنك وعن كل عضو ليس الا حبا لروح الجماعه اللي اتمنى انهم مايجتمعون الا على خير ولا اعني اعضاء محددين لا فكلنا مكملون لبعضنا من اول عضو الى آخر عضو وكما ذكرت ..
"أنا هنا لاأناقش بما أخطأ به شراني أو أطالب باعتذار المخطأ سواء كنتم ترونه نفساني أم شراني أنا أطالب بحل يعيد كل شيء لما كان عليه "
واتمنى عودة شراني وواهمه عوده تثلج الصدر وتبعث على المسره وان يتذكر دوما اننا كأخوة له نتمناه معنا " ولكن من غير تجريح أو أساءه لأحد"..
أخي صوت الشباب لا ضير في سعينا للإصلاح والخير ان ينالنا نصيب من الكلام الذي لا نرغب بسماعه احتسب الأجر لله جل وعلا ودعك من أن هنالك شعارات ومايصفق فيه فلان أو فلان وصراحه اسمحلي انا مااناقش مبدأ "لاتزعل من اخوي".... أنا أطالب باعادة اخواننا المنقطعين عن المنتدى سواء بأيقاف أو من أجل أيقاف الآخرين واظنكم ناقشتم هذه المواضيع في السابق ولم تخرجوا بحل وانا على يقين ان فتح النقاش فيها مره اخرى لن يخرج بحل بل ربما يزيد"الطين بليله" .. وكما ترى مايكتب الآن اتمنى من الجميع تفهم السبب لكتابة الموضوع ..
يا عزيزين علي وعلينا جميع الناس تقتل وتعفي وتسامح مو توقف عن الكتابه ويتسبب بها المشاكل كلها والنفسيات المتباغضه حنا اهل دين اوصانا بتعاليم كثيره لو نطلع لمجتمعات لا يمت لها الدين بصله كان شفتوا الشي اللي يفترض انتم تطبقونه من موده وعطف وتراحم وين التسامح والعفو والأجر على الله ..
أخونا بسام الله يخليك اذا كنت تحب هالمنتدى ومن فيه وتتمنى لهم الخير عطنا رد تشوفه عادل يعني كلمة " لا" ماتكفي ولا ترضي خاطر والله يرضى عليك لا تقول في نفسك انا مقتنع بخطأ فلان وخلاص وهو يقول نفس الكلام ............. " الناس تعفي عن قاتلين وتتصافى وتسامح وتتسامح"
والمثل يقول "حكيا بالفايت نقصان بالعقل " وانشالله كلكم مكرمين عن النقص
واللي يحب هالمنتدى ومن فيه لازم يكون للجميع عنده احترام وعلى الأقل خاطر لكم عضو مايمنع انه يبدي الخير والنصح لكن لا يتناسى نداء الجميع له وحرصهم على تواجده بينهم ويضرب بحاجتهم لمشاركته عرض الحايط ....
صفو الحياه تنضم للقافله وانا الومها على هالشي واذا فكرت شوي اقول معها حق ليا صار كل واحدا بديره وما عاد فيه التواصل اللي كان اول ...
خلونا من الكلام والمرادد وانت قلت وانت قلت واحد فيكم يسبق بالطيب وكلكم اهل طيب وكرم ويقول من كل قلبه خلالالاص عفى الله عما مضى ونبدا صفحه جديده وقلوب متصافيه ...
ماعليش ادري اني طولت لكن اتمنى اقرا شي يشرح الصدر ..واعذروني ان زل لساني بغلط على احد منكم ..
اختنا "ميرور وعدت بالعوده" واتمنى من مثايل وواهمه والنشمي كذلك ومن الجميع صغيرهم وكبيرهم .. ولا يجي بخاطرك شي اخوي صوت ترى الدنيا كلها بعرضها وطولها مافيها شي يستاهل الزعل فكيف بها الكمبيوتر اللي اعتقد انا شارينه عشان يوسع صدورنا مو يضيقها يعني " حطوا بالخرج" ..
مااقصد مدينة الخرج لا .. اقصد .. يعني وسعوا صدوركم
|