يابعدهم
الدكتور الي سمح لك تاخذ ابر مخدره هذا نفسه مريض
وانت من خلال وصفك تقول يدي بدت تظهر عليها اثار الابر يعني تاخذها بشكل دوري
والله ماودي اغبنك لكن لو انك في اي دوله اجنبيه وكلني محامي وبحق ان ما جاك 2 لـ 3 مليون دولار تعويض على استعمالك كـ فار تجارب
استهبال السالفه يعطيك ابر كل ماجيته !!!!
وبخصوص السلوك المعرفي الي اخترعوه لشفط مافي جيبك
اسالك بالله استفدت شي ؟
اي واحد يقرا ردي بالله عليكم احد استفاد شي من السلوك هذا!!
يتفلسف عليك من كم كتاب قراها
ويرمي هالكلمتين الي حفضها عليك
وياليت الي يقولونه شي مانعرفه
انا في حدود عمرك ياغالي
وبعطيك نصيحه اخ لا تتعداها
والي يقرا يتعض خصوصا صغار السن
في علم النفس ابعد عن اي جنسيه عربيه
ما راح تستفيد شي ابدا ان ماذبحوك ما عالجوك
راح تمر على لسته كامله حافضينها من كثر ما يصرفونها للي يجونهم
كل شخص لازم يمر على هالادويه وان اختلف ترتيبها من شخص على اخر
انت قبل ماتجيهم تدور علاج او راي يفيد
بتنهي تعاملك معهم بعد المبالغ والادويه الي استزفتها والوقت المهدر
وتتمنى
تخيل تتمنى فقط ترجع لحالتك الي كانت قبل لا تمر ولا تفكر تزور اي دكتور عربي
المقتدر ماليا او حتى الغير مقتدر
بامكانك جدوله رحله سياحيه لاحد الدول الاجنبيه الكبرى
لمده اسبوع الى اسبوعين تكلفتها بحدود 15 الف ريال .. ابعد عن اوقات العطلات والاعياد السعر يتدبل وقتها
(اذا تفكر انه مبلغ كبير .. بتصرفها هنا لكن بشكل لا تشعر به)
200 300 450 600 650 وهكذا
السفره
منها رحله استجمام ( ممكن تشفى من الي انت فيه فقط من تغير الاجواء المحيطه)
ومنها عرض حالتك على طبيب مختص اجنبي
اقسم لك بالله من خلال مقارنه بين هنا وهناك
اشعر ان الاجنبي يخاف الله اكثر من العربي في مسالت التشخيص والعلاج
الاجنبي ان ما عالجك تأكد لن يتفلسف
اذا ماعرف يشخص حالتك حولك على شخص اخر يعلم انه يستطيع تشخيصها
انت تقول تبي اي مساعده ما قد طرحت عليك
شف احدى الدول الي ترتاح لها ورح لها
وبتدعيلي
تحياتي للجميع