نفساني - عرض مشاركة واحدة - نوبات الهلع ....هذه اعراضي . ما هي اعراضكم ؟؟؟؟

11-05-2012, 09:24 AM

الله يشفيني ويشفيكم ومرضى المسلمين اجمعين في هالجمعه المباركه يارب

انا جتنى هالحاله قبل كم سنه بس مدري ليه نسميها هلع

انا ماجتنى من خوف الحاله جتنى بعد فتره قلق وتوتر وظروف سئيه جدا كنت ابكي ليل ونهار وبيوم من الايام

وفجاه حسيت فيها عدم اتزان في مشيتي ولا حتى في وقفتي وراسي غير متزن وضيقه صدر واكتئاب

ولازمت البيت ولاصرت اطلع نهائيا حتى مر علي رمضان ولاقدرت اصلي التراويح لاني ماكنت اقدر اوقف بااتزان

واحس كاني بطيح

ولاني اكره المستشفيات بعد مرض امي صرت اخاف اروح افحص لاني اوسوس بالامراض الخطيره

لكن لما اشتد الوضع وسويت فحوصات وطلعت كلها سليمه ولله الحمد فاارجعت الدكتوره سبب هالاعراض

للقلق والظروف الي مريت فيها ورقيت نفسي بالقران وشرب زمزم وراحت مني هالاعراض بعد سنه ونص

لكن للاسف من شهرين رجعت لي وانا بطبيعتى اي شي يجيني اتوقعه مرض خطير الله يحفظنا

الحين اعراضي نفس الي قلتوها راسي احسه ثقيل وماني متزنه ولما احاول امشي احس بثقل براسي

ورحت فحصت دم والاذن وكلها سليمه

انا كنت قلقه قبل ماترجع لي الحاله

مادري هل هي تجي مع القلق وكثر التفكير

والله تعبانه جدا راسي احسه ثقيل خصوصا اذا مشيت وانا من تعبت تقريبا من شهرين خلاص لازمت فراشي

صرت اخاف امشي او اتحرك

والحين احاول امشي واتحرك بالبيت بس كل ماامشي احس راسي يكون ثقيل ومشيتي غير متزنه

هالشعور متعب جدا الله يرفع عنا وعن كل مسلم

بس والله وانا اقرا الاعراض الي هنا كاني انا الي اتكلم نفس الي يجيني بالظبط