نفساني - عرض مشاركة واحدة - فكرة موضوع جديد لسرد كل الأعراض مع التشخيص..

17-05-2012, 09:14 PM

موضوع رائع وفعلاً يستحق الإهتمام ..
شكراً لك أخي أبوبتال

العمر: 26 - ذكر - اعزب

الأعراض:

- دوخه قليلة .. عدم توازن مستمر ولا يمكنني المشي والسجود لهذا السبب .
- ضغط على الرأس وثقل بالجسم .
- لا أعلم ان كان ضغطي يرتفع في بعض الأحيان أم لا .
- تسارع نبضات القلب عند مرور 24 ساعة او اكثر بساعه بدون اخذ دواء القلب علماً أني لا أعاني من اي مشكلة بالقلب .
- رجفة باليدين والجسم قليلاً بعض الأحيان .
- صداع بعض الأحيان .
- خوف مفاجئ بعض الأحيان .
- قولون .
- جيوب أنفية أعاني منها بشدة وقت الغبار .
- تساقط الشعر .

الفحوصات:

- ايكو مرات عديدة .
- تخطيط قلب مرات عديدة .
- هولتر 24 ساعة .
- أشعة مقطعية للرأس .
- تحليل دم كامل .
- تحليل الغدة .
- تحليل أنزيمات القلب .
- أشعة للصدر .
- إلتراساوند للبطن والحوض .

العيادات:

- تقريباً 6 أطباء قلب, كلهم يفحصون على السريع وماله خلق يكلمك ومايعطيك وجه ماعدا ثاني طبيب واللي هو جاب فيني العيد وعطاني دواء القلب وقالي لازم استمر عليه والحين تعودت عليه ماقدر اتركه .
- طبيب باطنية راااااائع جداً وهو الطبيب الوحيد الأمين واللي عملي جميع الفحوصات وقالي مشكلة الدوخه وعدم التوازن في لها سبب وقالي انت اللي فيك مو نفسي واذا مالقينا شي روح تعالج بالرقية الشرعية لأن تمر عليه حالات نفسية ويعرف يميزها .
- طبيب أنف واذن حنجرة, قالي عندك إلتهاب شديد بالجيوب الأنفية وهذا من زمان اعاني منه وكان المفروض اعمل عمليه بس انا مرتاح بدونها الحمدلله, والأذن سليمه الحمدلله ولكن كان فيها التهاب خارجي بسيط جداً ولا علاقة له بعدم التوازن ووصف لي دواء بيتاسيرك للدوخه وماستعملته خفت .
- 3 أطباء نفسيين وأول واحد قال عندك قلق فقط واعطاني ادوية خلتني اجلس مسطول أول يومين وماحس بشي ووقفتها على طول وقالي ابتعد عن دوا القلب وبعد اسبوعين جاتني نوبة تسارع قوية جداً وكان المفروض اوقف دوا القلب بالتدريج, وثاني واحد عطاني ادوية وفي منها دوا ماكان يخليني انام ووقفته من رابع يوم, والثالث واحد كان رائع في كلامه وهادئ جداً واعطاني أدوية وقرأت عنها فعلاً هي خفيفه جداً مثل اللوسترال والدوجماتيل ورسم لي خطه علاجية وسمعت ان كل من جاه الحمدلله تعافا بفضل الله, وكان من أحد استشاريين موقعنا نفساني واسمه الدكتور حسن العمري, وقال انت عندك panic attack disorder اللي هو إضطراب في نوبات الهلع وقال هذي مادة السيروتونين صار فيها اختلال ولما يحدث هذا الإختلال يصبح الإنسان في اضطراب بجميع وظائف الجسم وووو إلخ .. لكن ماستعملت الأدوية أبداً أبداً أبداً لأن وقتها كنت ألاحظ نفسي جالس اتعافا تدريجياً بفضل الله ثم الرقية الشرعية الحمدلله .
- 2 أخصائيين نفسيين : الأول أخي وصديقي العزيز اللي وقف معاي من اول بداية النوبة وهو الأستاذ سيف2 اللي يتواجد معانا الآن بالمنتدى, لكن ماقدر يتحكم فيني من البداية لأن هو في مدينة وانا في مدينة وفعلاً ماقصر معاي أبداً, وكان ينصحني بإني أزور استشاري واخذ الأدوية من البداية وبالإضافة الرقية الشرعية لكن ماسمعت الكلام .
والثاني هي عند معالج بالتنويم الإيحائي ودربني على كيف أقدر أتحكم بالنوبة اول ماتحدث وعلمني كيف اغلبها بالإسترخاء وكيف استرخي عن طريق الإيحاء والمشكلة انه غالي جداً لكن استفدت شوي ولكن عدم التوازن نفسه ماصار فيه شي .
برضوا جربت العلاج بالطاقة اللي هو الطريقة الغير محرمة اللي بالحلال طبعاً وكنت احس بحرارة يد المعالج لما يمرر يده على اي منطقه من جسمي وهي احلى مافيها تخليك مرتاح نفسياً وفيها احساس غريب بس حلو وتشعر براحه حتى المعالج نفسه يحس فيك انك ارتحت, لكن برضوا مافاد بعلاج عدم التوازن يمكن احتاج لعدة مرات وانا ماسويت الا مره وحده .

الحجامة:
سويتها مرتين أول مره كانت في الاخدعين اسفل الأذن والكاهل اسفل الرقبة
وخلف الكليتين وأعلى القدمين, تعبت شوي حسيت بحراره ودوخه زادت شوي وراحت في وقتها وبعدها بيوم ونومي صار شوي حوسه وتعبت شوي لأن المعالج كان توه جديد في مجال الحجامه لكن الحمدلله عدت على خير .
ثاني مرة سويتها عند خبير الحجامين الشيخ ابراهيم وماقصر معاي سواها لي في الأخدعين والكاهل وبعدها حسيت بحرارة بالوجه ودوخه شوي زادت ولكن الحجام يعرف كيف يتصرف وقالي مادام في حرارة انا ابي هذي الحراره وحتى الدوخه وقالي هذي يمكن عين قوية والله اعلم لكن احتاج اني اكرر الحجامه والرقية الشرعية وان شاء الله خير ونصحني اعملها كل اسبوعين عشان ابكر بالشفاء ان شاء الله لكن انا مارحت مره ثانيه, مع اني ارتحت بعدها كثير الحمدلله ونومي تعدل الحمدلله وكان احساس حلو جداً .

الرقاة:
رحت رقاة كثييييير وكلهم قالولي انت فيك عين وحسد والله اعلم والعلاج بالرقية المكثفة لكن مالقيت راقي يجيني بشكل مكثف وانا ماقدر ارقي نفسي لأن احس بخموول شديد ويصير مالي نفس ارقي نفسي واسرح كثير .

أبو تركي سابقاً :
طبعاً سابقاً كنت رياضي وكان وزني مابين 80 - 85 كيلو ماينزل ولا يزيد وكنت إنسان مرح أضحك على طول ماحب النكد وكنت مدمن قهوة وكنت ادخن وكنت ما انام كثير وعلى طول كنت مشغول بين العمل والأنشطه والأعمال الخاصه وكنت استمتع بهالشي .
يعني كان في اسباب قد تكون عامل مؤثر كذلك .

أبو تركي حالياً:
وزني يمكن حوالي 60 كيلو , أمتنعت عن التدخين وامتنعت عن القهوة والبيبسي, حزين ممل لا أستطيع الخروج اي مكان لا أستطيع عمل اي نشاط حتى الرياضة, دوخة وعدم توازن هم السبب, لايمكنني الخروج بمفردي, عصبي وحساس, واكثر شي يتعبني أن ماعندي اخوان اسند فيهم ويساعدوني في هالمشكلة الحين صرت افكر بهالقيمة والنعمه والحمدلله وبس نقرتين لعرض الصورة في صفحة مستقلة

_

أتمنى أني ماكون طولت واكون كفيت ووفيت نقرتين لعرض الصورة في صفحة مستقلة

_