ابو الافكار

بيانات اضافيه [ + ]

رقم العضوية : 33278  تاريخ التسجيل :  02 2011  أخر زيارة : 11-02-2016 (12:51 PM)  المشاركات : 286 [ + ]  التقييم :  14

لوني المفضل : Cadetblue

وهم والله وهم

يا اخواني يا اخواتي

حابب اشارككم بتفكيري اللي للاسف وصلتلو بعد سنين و اتمنى اني ما اكون فهمت متاخر و هو اني رجعت بالزمن للورا كثير عشان افهم شو اللي غير مسار حياتي اكثر من مرة للاسوء و شو وصلني لمرحلة الهلع و شو اللي شفاني منها و كيف خلاني عارض الهلع اعيد ترتيب كل حياتي من الاول ...ببساطة انا في المرحلة الابتدائية و الاعدادية كنت من الطلاب المتفوقيين جدا بالمدرسة لدرجة ان كل المعلمين و المعلمات اللي كانو يدرسوني قالولي انت لازم تطلع دكتور مشهور جدا لانك بتفهم كل اشي بسرعة و عقلك عندو قدرة كبيرة بتحليل و ترتيب الاسئلة و بصراحة هاد الشي ولد عندي بعض الغرور اني ممكن اصير ايا انسان انا بتمنى اكونو بس ما كنت فاهم نقطة كتير كبيرة و هي اني اقدر اوجه ذكائي و افكاري بالطريق السليم و بتذكر اول مرة انصبت فيها بالوسواس و هي ببساطة في اوائل التسعينات اجا برنامج على التلفزيون بيشرح عن مرض الايدز و شو اعراضو و كيف بيدمر الانسان و كيف بيرتبط هاد المرض بالعار و الخزي و بتذكر وقتها اجا في بالي التفكير كيف لو اني انصبت بهاد المرض شو حتكون اعراضي و كيف الناس حتعاملني و كيف حصير منبوذ من المجتمع و كيف ممكن يحطوني في العزل الصحي و فكرت و فكرت كتير بالهلمرض لدرجة صرت اخاف اسلم على حدا باليد خوف يكون عندو ايدز و يعديني و استمر معي هالوسواس مدة طويلة و في خلال الفترة هاي كانت فترة مهمة جدا بحياتي الدراسية و اهملت الدروس و المدرسة و عشت مع وهمي اللي سيطر على تفكيري و خلاني ما اهتم لاي شي تاني و مشيت السنين و مرض والدي بسبب جرعة دواء خاطئة و صابو تلييف بالكبد و توفاه الله و بعدها اشتغل فيي الوسواس من امراض الكبد لاني شفت والدي كيف اتعذب منو و لدرجة اني و والدي مريض كنت اذكر نفسي اني مو انا اللي مريض بس لاني من الاشخاص القابليين للايحاء جدا و كيف انو الشخص المقابل اللي ممكن ينقلي ايا احساس سلبي او ايجابي كنت احس اني انا المريض .... و بعد سنين من الوهم لقيت نفسي وصلت الثلاثين من عمري و انا لسة ما ركزت على حياتي اللي منعني منها هو وهمي و خوفي الغير مبرر و بصراحة انا شخصيا كان لازم اصاب بعارض الهلع عشان اصحى من وهمي و افهم شو عملت بحياتي و كيف انو الوهم بس قدر يمنعني اني اكون الطبيب المشهور او الشخص اللي كل العائلة و الاساتذة قالو اني ممكن اكون ايا شخص بالدنيا انا بتمنى اكونو و انا متاكد تماما انو اغلبنا كان في عندو طموح انو ينجز عمل عظيم بحياتو و هو يملك الذكاء اللي يخليه يحققو بس عندو وسواس و وهم شاغل تفكيرو و بيمنعو يوصل للتفكير الايجابي و بيضيع بوقتو سنة ورا سنة نتيجة خوف مش موجود غير بعقولنا و نحنا اللي صنعناه و انا الحمد لله اقتنعت تماما اني انا اللي وصلت نفسي للمرحلة هاي و كانت نعمة من ربنا اني اصاب بالهلع علشان اصحى من الوهم و احاول اعوض كل الاحلام اللي لغيتها بسبب الوسواس و الوهم و اتمنى منكم اخوتي انكم اتفكرو بالوقت و المجهود اللي بيضيع منكم نتيجة فكرة غلط او وسواس من صنعكم سيطر على حياتكم ومنعكم تتقدمو ا و تنجزو كل الاشياء اللي بتحلمو انكم اتحققوها .....اقول قولي هذا و استغفر الله لي و لكم

المصدر: نفساني