نفساني - عرض مشاركة واحدة

22-05-2012, 02:02 PM

أنا غير عنكم تماماً أنا اتوقع اللي عندي له سبب عضوي والله أعلم,
لأن انا ماقدر اسجد وأصلي وانا جالس, لأن رجولي ماتشيلني لما اسجد يصعب علي اني اقوم
لكن احيان نادرة اسجد واضغط على نفسي شوي خصوصاً فترة صلاة الفجر
يعني انتو قولوا الحمدلله اللي عندكم اتوقعه بسبب القلق والتوتر, وهذا النوع كان يجيني اول بعد كل نوبة هلع وكنت عادي اطنش وامشي واروح واجي.

وبالنسبه لسؤال الأخت تاليا متى بدأت معي هذه الحالة:
طبعاً انا السنة اللي راحت في شهر أبريل بدأ معاي موضوع الضغط وبعد الإبرة اللي اتوقع عطوني هي بالغلط صار عندي تسارع نبضات بالقلب, وبعدها صار يجيني نوبات هلع من حين الى حين, إلى ان جاتني نوبة هلع كانت أشبه بنوبة قلبية لأنها كانت حرارة غريبة جداً بالصدر واحس كأنه شي يقرص بصدري وشي ماسك قلبي بقوة وخلاص بطيح من قوة الدوخه حتى وجهي تغير لونه, وأنا الى اليوم شاك انها جلطه لأن سوولي تخطيط قلب وايكو فقط, وماسوولي تحاليل أنزيمات القلب وهذي كانت اهم حاجه, لأن الوالدة قبل شهر ونص تقريباً جاتها جلطه صغيره وماطلعت الا مع تحاليل انزيمات القلب.
عموماً بعدها اعطوني دوا القلب ومن يومها صرت احس احيان بعدم اتزان او اشوف الصورة مهزوزه نوعاً ما وهذي هي اللي اعتقد تعانون منها الأن لأن هذي نفسية ميه بالميه وعادي كنت اروح واجي واطنش هالإحساس
لكن بعد رجوعي للعمل بعد اجازة كانت شهر ونص ماقدرت ادخل العمل حقي لأن النوبات كلها كانت بالعمل ونزلت السيارة وصار عندي تسارع نبضات واتوقع ارتفاع ضغط وكان التسارع شديد جداً
ومن بعدها بدأ معاي موضوع الدوخه وعدم التوازن الحقيقي, وصرت ما اقدر اتحرك ولا اسوي ولا شي لمدة شهرين تقريباً . << هذا يدل على وجود سبب والله اعلم مع العلم اني لحظتها سويت تحاليل وسويت فحوصات وماظهر اي شي بالقلب وحتى الأشعة المقطعية .

الأن تقريباً لي 8 أشهر او 9 اشهر مع عدم التوازن الحقيقي

واعتذر على الإطالة في الشرح لكن ابي تعرفون انه اللي تحسون فيه غير تماماً عن اللي انا فيه والله اعلم
أو يمكن انا نفس حالتكم لكن انتم ماشرحتوا حالتكم بالتفصيل والله أعلم