مكاوي

بيانات اضافيه [ + ]

رقم العضوية : 38019  تاريخ التسجيل :  03 2012  أخر زيارة : 13-06-2012 (01:23 PM)  المشاركات : 3 [ + ]  التقييم :  10

لوني المفضل : Cadetblue

السلام عليكم :)

انا سعيد جدا انى لقيت حد بيتكلم فى الموضوع ده عشان اخد رأيه فى الموضوع بتاعى لانى فعلا مش عارف اخد قرار ..

انا من اربع سنين كنت فى اخر سنه فى الكليه و بدأت تجينيى احاسيس كئيبه ان اليوم ممل و انى مافيش حاجه اعملها و الحياه بقت ممله ماعرفش ليه كده .. وفجأه بتفرج على برنامج لقيت واحده بتسأل دكتور على حاجه حسيت ان جالى قلق شديد ان ممكن اصاب بالمرض اللى بتحكيه المتصله .. ماعرفتشس انام و حاولت انام و قولت يمكن لو نمت تروح .. صحيت تانى يوم فضلت معايا و حسيت باكتئاب شديد ..

فى يوميها روحت لدكتور نفسانى كبير فى مصر قالى ده وسواس قهرى و عطانى ليكوستانيل و فافرين وبعدين لما راح القلق فضل الاكتئاب عطانى سيروكسات 20 مل وفضلت على السيروكسات ..

انقطعت عن الدكتور وسافرت للعمل بره مصر و فضلت على الدوا حوالى سنتين و لقيت حالتى شفيت تماما قولت هقلل الجرعه مع نفسى واحده واحده لان لازم اتخلص من الادويه ديه قبل ما اتقدم للزواج ..

خلال سنتين فضلت اقلل الجرعه مع نفسى ببطء شديد بدأتها بانى باخد حبايه كل يوم خليتها حبايه يوم و نص حبايه يوم لمده شهرين .. وبعدين حبايه يوم ويوم لا لمدة اربع شهور .. وبعدين حبايه يوم و يومين لا شهرين تلاته .. وفضلت مع نفسى كده لحد ما وصلت لنص حبايه فى اول الاسبوع و نص فى وسط الاسبوع ..

بدأت المشكله لما قللت الجرعه لنص جبايه كل اسبوع و استغنيت عن النص بتاع وسط الاسبوع ..
كنت بتكلم مع صاحبى و اتوترنا فى الكلام فقعدت مع نفسى بعيد الكلام اللى دار بيناو حسيت انى تفكيرى مشتت قومت من المكان وروحت قدام المرايه عادى جدا حسيت باحساس اول مره احس بيه .. حسيت انى مش عارف نفسى و ان شكلى اتغير و حسيت انى بقيت واحد تانى بشوف نفسى وكده .. طبعا اترعبت و خوفت جدا و حاولت اخرج من الاحساس وراح فعلا بس فضل الخوف .. رجعت زودت الجرعه تانى بسرعه لـ نص كل تلات ايام .. راحت الحاله فى ساعتها بس بدأت تيجى كل فتره و فتره فى ثوانى و تروح .. او لو صحيت من النوم وانا تعبان .. مع العلم انى لما بزود تركيز الدوا بتروح خالص ومابتجيش اصلا ..


الخلاصه انى فهمت ان ديه انتكاسه و ان السبب ترك الدوا اكيد بس مشكلتى تتلخص فى حاجتين :

1 - انا عاوز ابطل الدوا ده لانى عايز اتقدم للزواج و مش هينفع اتقدم للزواج الا لما ابطله لان مافيش بنت لا اسره هترضى انها ترتبط بواحد بياخد ادويه نفسيه و انتم على علم بنظرة المجتمع للمريض النفسى .. بجانب ان السيروسكات بيسبب اعراض ضعف جنسى .. وانا فعلا محتاج جدا للزواج عشان اعف نفسى .. فبالدوا لا انا مؤهل للزواج و لا فى اسره او بنت هتقبل ومش هستعد اعرض نفسى لاحراج الرفض للسبب ده لانها هتبقى صدمه كبيرة عليا .

2 - بصراحه انا خايف لاصاب بالموضوع ده على استمرار لا قدر الله قبل ما ارجع مصر تانى لانى مش واثق فى الدكاترة فى السعوديه و الموثوق فيهم مكلفين جداااااا و انا نازل بعد حوالى ست شهور مصر .. والمفروض انا كنت مخطط لانى قبل ما انزل مصر اكون تخلصت من الدوا و انزل اخطب :(

حــد عــنده رأى بخصوص موضوع الزواج و بخصوص هل لو رجعت للدوا تانى و انتظمت فيه الموضوع هينتهى ؟
وجزى الله خيرا كل من شارك فى الهذا الموضوع واخص بالذكر اسلمه و نوف و سيبيا و كل الموجودين .. بس اوعوا تخوفونى الله يخليكوا ـــ