أخوي يزيد
اشكر لك اهتمامك وهذا ان دل على شي فهو يدل على اهتمامك بمن حولك
ولكن راح اكون معاك صريحه بكل الجوانب ولا راح اكذب عليك واغير من شخصيتي
انا انسانه ابغى اتعالج اياَ كان الطريق بعون الله
وراح اتقبل منك اي شي

/
بالبدايه لمن تعرفت على الشخص بالاساس انا كانت تعجبني شخصيته بالمنتدى
كان محترم جداَ ومرح جداَ
وكان بيني وبينه صداقه عاديه
كان يتكلم معاي عن حياته وانه من سنوات حاجز بنت عمه
بالبدايه هالشي مااثر فيني بذاك القوه لاني ماسبق وتعلقت فيه تعلق شديد
يعني هو كان صريح معاي

اقسم بالله عمره ماكذب علي بهالشي
انا اعترف ان الخطأ مني اني تعلقت بواحد مصيره لغيري
لكن حبيته رغم هالشي
وكنت اقول لعل وعسى تجمعنا الاقدار وهو كان يقولي نفس الشي
وهو اعترف لي بحبه ونفس الشي اعترف لي انه مايقدر يترك بنت عمه

يعني اصلن لو رراح تفكر فيها وش بيقول لاهله بترك بنت عمي علشان وحده مااعرفها
صعب جداَ

هو ايضا اخطأ انه تعلق فيني وعلقني فيه وهو يعرف هالشي

هذا نقطه

النقطه الثانيه

الجوانب الي ذكرتها للتعلق المرضي
انا شخصيتي قويه اجتماعيه جداَ حساسه اخاف كثير على الي حولي
علاقتي مع اسرتي جداَ حلوهـ ولا سبق وحسيت بالحرمان العطافي منهم
مافي مشاكل ولا فيه اي شي مترابطين ولله الحمد
علاقتي مع صاحباتي ممتازهـ ومع قريباتي نفس الشي

انا انسانه مااحب الاغاني والاشياء الحالمه كثير
صح رومنسيه جداَ ولكن بحدود

عمري ماوصلت حبي له لمستوى حبي لربي لاقدر الله
بالعكس انا اصلي واصوم ومااترك النوافل ولله الحمد
مااقولك متدينه بمعنى الكلمه ولكن الحمدلله لي التزامي

كم مره طلب يشوفني يمكن سنه كامله وانا ارفض وبإرادتي
وبالاخير قابلته قبل شهر من انتهاء علاقتنا

صح احبه والا اللحين احس بالغيره انه راح يكون لغيري
ماقدرت انساه للحين
رغم اني تخلصت من كل شي معاي كان له
ادعي ربي كثير انه يخلصني من هالشي
لكن عمري مادعيت له بالشر وان الله مايوفقه بالعكس
دايم ادعي ربي انه يتوفق بحياته وينساني ويبدآ حياه جديده


انا حبي ماادري شلون اوصله لك

ولكن صادق بمعنى الكلمه وهذا الي متعبني للحين لدرجة ان هالشي مسبب لي خوف اني افقد ناس احبهم غيرهـ
الخوف من المستقبل
الخوف من الحياه