نفساني - عرض مشاركة واحدة

27-05-2012, 12:30 AM

أخوي الصبآن ..

أول شي .. مرحبا بك بين اخوانك واخواتك في المنتدى ..
ثاني شي .. كل الأعراض اللي تحسها نعاني منها ايضا ..
من وسواس الموت ومن الدوخة والم الصدر .. هذي كل الأعراض ناتجة من التوتر والقلق الشديد ..
وبما انك اخصائي قلب وقد سويت تحاليل وفحوصات اكثر من مارا فتاكد ان مافيك الا العافية باذن الله تعالى ,, واللي تعاني منه هي اعراض للاضطرابات النفسية ..
انا حالتي كانت زيك تماما .. اصحى من النوم ماادري اذا بكمل نهاري واوصل لليل اولا لا .. لما اانام بالقوة ادخل في النوم من الأرق وكثر التفكير والووسوسة والخوف من الموت .. مااادري اذا ابصحى او لا ..
اخاف من كلمة بوكرا .. وكلمة شوي والمواعيد المستقبلية .. اقول بنفسسي انا مو ضامنة عمري لدقايق معدودة كيف لو يوم او اسبوع او حتى شهر ..!!
لدرجا لما اخذ شور وابدا البس ملابسسي اووسوس واقول لنفسي .. اخاف اني ماراح اقدر افسخها واموت ويصير المغسلات هم اللي يغسلوني ويفسخولي <~ وسوسة قوية الله المستعان ..
لكن بعد مااطلعت على تجارب الكثيرين بالمنتدى هنا والي تعافو من وسواس الموت * الله يتمم عليهم شفائهم *
صرت اسوي زيهمم والحمدلله تخلصت نهائيا من هالوسواس العقيم ..

انت كل ماحسيت بالوسواس وبدا معاك استعيذ بالله من الشيطان الرجيم باستحضار قلب .. لأن هالوسوسة كلها من الشيطان ليصيبك بالحزن والأسى ..! لازم تقتنع ان الموت اذا جا بيجيك سواء وسوست او لا .. وكذلك ان الله خلقنا بالهدنيا لنستمتع فيها تحت ظل طاعته .. والآيات كثيرة اللي تدل على السعي لراحة النفس والشعور بالطمأنينة والفرح والسعادة فهذه سمات المؤمن الحق الخالي من الوسوسة وهذه الأمراض النفسية ..
استمتع بأيامك وعيش لحظتك وحاول ان تبعد كل البعد عن كل مايسببلك القلق والتوتر والخوف ..
ناقش نفسسك وقولها .. طب انا ليش اخاف من الموت ؟! بالعكس اذا مت راح اروح عند رب غفور رحيم وانا مؤمن أن ماعند الله خير وابقى واني مو مخلد بهالدنيا ومن ذا الكلام .. راح تجد نفسسك شوي شوي ترتاح وتذهب عنك الوسوسة ..

ولاتنسسى الرقية الشرعية وذكر الله فهو علاج فعال لجميع الأمراض النفسية ..
قال تعالى : ( ولقد نعلم أنك يضيق صدرك بما يقولون فسبح بحمد ربك وكن من الساجدين )
نقرتين لعرض الصورة في صفحة مستقلة

هذا هو علاج رب العالمين لكل من تضيق صدره .. وعن تجربة .. والله كان صدري يضيق ولا اقدر اتنفس وانكتم كتمة قوية الله المستعان واجلس اسبح الله * سبحان الله وبحمده * ولايلبث أن يزول بقدرته تعالى ..

:

بالأخير .. أنصحك أخي بالإستماع لهذه الرقية وراح تشعر براحة غريبة كما شعرت بها كل ماسمعتها ..