بعض المصايب تدمي القلب والعين
وتنزف على مر الليالي جراحه
وبعض المصايب تجلب الهم والبين
وتفتح على سود المخاسير ساحة
ناس(ن)على قلب
الموازين ماشين
وفيهم على حب المصايب شفاحة
اللي حياته عاشها دوم ما بين
قسوة شعور وهرج كذب وبجاحة
امحكم(ن) رايه على الشر ثلثين
والثلث الاول بين غدر ووقاحة
وملون(ن) وجهه مع الخلق تلوين
ولسانه المسلول مطلق سراحه
والله بلاه بشوفة النفس بأمرين
قِل السلام ونهج قِل السماحة
من عاش ما يمشي مع الناس باللين
لا شك موته للمخاليق راحة
لا صار ما يمشي مع الحق والدين
صوّب على صفحة جبينه سلاحه
ولا صار ما يدري عن الزين والشين
طبع الردى بالنفس زاد افتضاحه .
صالح البراك ..