الســـلام عليكم..

يا اخوان ويا اخوات

انا مابي اتعب نفسي واتعبكم واقعد اتشكى من اللي فيني

لكن رب العباد يعلم وهو ارحم بنا سبحانه


انا اعاني من الوسواس القهري من زمان ..

لكن المشكله انه من شهرين
رجعت البيت وجاتني حاله الهلع
ومن بعدها تدمرت حياتي للاسف وماصرت افكر الا بالموت

امسك قلبي اكثر من الف مره باليوم تعبت تعبت تعبت

والمشكله لما تشكي للناس يقولون انت مافيك شي..!!

انا بعد هالحاله صار يجيني خفقان ملازم مايروح ابد لا بصبح ولا بمساء

الخفقان اللي يجيني له نظام غريب..

بكل بساطه لما بكون قاعد او منسدح بالعربي

يكون قلبي تقريبا مطمئن وبيدق بهداوه..

لما اوقف على رجولي امشي خطوتين يبدا يخفق ويدق بسرعه ماهي طبيعيه..

يعني بالله هذا جهد انا وقفت بس ومشيت وقلبي محسسني اني بلعب كوره ليا ساعه

انا خايف والله خايف

اسئلتي

1-الهلع مرض ولا حاله ..يعني انا كان في بالي انه لما ارتاح خلاص ينتهي كل شي ..ولا الهلع مرض ياخذ فتره وينتهي مع العلاج الدوائي والسلوكي والتفكير الايجابي

2-هل ابدا بدواء سبراليكس ولا استشير طبيب احسن

3- انا بالمدينه المنوره وين تنصحوني اروح

4-دقات القلب اللي بتجيني هي من الهلع ولا من المرض النفسي (الوسواس القهري)

5-وامانه قولو لي الحقيقه انا قلبي طبيا سليم ..يعني دقات القلب والخفقان ممكن يموتني لا سمح الله ولا ما يضر


واتمنى الشفاء لي ولكم ولجميع المسلمين يارب

المصدر: نفساني