بندق

بيانات اضافيه [ + ]

رقم العضوية : 30137  تاريخ التسجيل :  04 2010  أخر زيارة : 25-03-2013 (02:45 AM)  المشاركات : 251 [ + ]  التقييم :  10

لوني المفضل : Cadetblue

السلام عليكم ورحمة الله
أخوي عليك بأذكار الصباح والمساء والرقية وقراءة ورد يومي من القرآن الكريم لو صفحة ولا صفحتين وسورة البقرة حاول قدر الإمكان تقرأها لو مرة كل 3 أيام وإنت من أهل المدينة تسأل وين تروح عندك مسجد الحبيب صلى الله عليه وسلم تزوره وتصلي وتسأل الله سبحانه الشفاء لك ولنا .
أنا صار لي أربع سنوات على هالحالة إذا وقفت تزيد دقات قلبي ومثل ماتفضلت أحس إني لاعب كلاسيكو مو مباراة عادية يا أخي خلني أقول لك شئ التعب اللي أحس فيه ما مر علي في أتعس حالات ضعف اللياقة البدنية عندي بمعنى في أيام أكون تارك الكرة أو أي نوع من الرياضة فترة شهرين ثلاثة والله مرة تركت ثلاث سنوات لظروف صحية ورجعت ولعبت لما تشافيت ماحسيت بها التعب اللي أحس فيه الحين وأنا أصعد الدرج (السلم)ولا اخطي كم خطوة أتعب ما أقدر آخذ نفس ودقات قلب سريعة وأحس بانتفاخ غريب في بطني وفي شي واقف مو مخليني آخذ نفس كامل ... أمس رحت سويت وظائف رئة للمرة الألف مرة يطلع في ضعف بسيط يستغرب الدكتور ويعيده لي وبعدين يطلع طبيعي ويقول لي لاتفحص لاتروح عيادات عندك اكتئاب هو سبب المسخرة اللي انت حاس فيها روح العب أنسى ياأخي ماني مصدق رحت العب هذا الكلام أمس رحت بعد الفحص ولعبت وتحركت شوي ولما خلص اللعب وركبت السيارة حسيت بضيقة غريبة طبعا تزيد بشكل كبير بوضع الجلوس قلبي يدق وبطني منفوخ ومخي متلخبط وأتكلم بصعوبة الله المستعان تقول كرهت حياتك أنا صار لي أربع سنين ودي أضحك مرة من قلبي وأنا شايل ولدي بيدي وماني قادر العب معاه لأن مخي مشغول ومرعوب وإيدي تتعب بسرعة من شيلة طفل عمره 6 شهور الكلام ساعات يصير فيه صعوبة
شوف أخوي ما في فحص ولا جهاز إلا جربته مريت على الأطباء وصرفت آلاف الدنانير فحوصات تحاليل أشعة آخر شئ يقول نفسي وصار أربع سنين علاجات نفسية سيبرالكس سيمبالتا والحين فالدوكسان ماكو فائدة عرفت إنه إذا فيه علاج فهو كلام الله سبحانه وأنا والشيطان والمرض تحت رب كريم بالقرآن عندك سلاح مايملكه عدوك توكل على الله خذ علاجك الدوائي والأهم العلاج الروحي كلام الله سبحانه...

تحياتي....?