نفساني - عرض مشاركة واحدة - تنسيم الراس او الفري او الوشره ونوبات الهلع وأعراضها

08-07-2012, 03:47 AM

اي نعم ،،، اعرف رجل كبير في العمر طبيعي وصل لمرحلة الجنون وفقدان العقل بفضل الله ثم بفضل الصبخه رجع لطبيعته وبيته واولاده ،،، وقسم بالله الاسراع بعلاج الجرثومه يذهب عنك الخوف والهلع انا تحسنت عن اول بواجد بنسبة80٪ لاني تأخرت بالعلاج كنت اخاف من الطبيب والفحوصات وسنه كامله اعاني وساكته لدرجة فقدت من وزني 15 كيلو وانسداد بالشهيه وعزله بعد سنه قرر زوجي ان يوديني لشيخ يقراء علي تخيل الشيخ قال حق زوجي افحص لزوجتك عن الجرثومه اذ سليمه جيبها لي واذ فيها جرثومه عالجها راح ترجع طبيعيه ،،، وبالاصرار من زوجي رحت الطبيب وسويت فحوصات شامله ومن ظمنها اختبار النفخ للجرثومه وطلعت نسبته مرتفعه جداً 22 والدكتور عطاني لها علاج مضاد حيوي كلاسيد 4 حبات باليوم وامكسيل 4 حبات باليوم حبتين صباحاً وحبتين مساءً لمدة اسبوعين ومينيسك حبتين صباحاً وحبتين مساءً باليوم لمده شهر والشهر الثاني حبه صباحاً وحبه مساءً والشهر الثالة حبه وحده والحين موقفه العلاج عشان اعيد الفحص وللامانه تحسنت كثير احسن من اول بوااااجد ربي لك الحمد ،،، تخيل قبل شهر سمعت عن زوجة ابن عمي تعبانه نفسياً وماخذينها للعمره عشان ترتاح ولا ارتاحت وانها تخاف وتبجي وتبي تنام عند امها ذكرتني في بدايت حالتي قلت لزوجي انصح زوجها يسويلها تحليل عن الجرثومه وثاني يوم دق زوجها يقووول كلامك صحيح زوجتي طلع معاها جرثومه وقبل اسبوع شفتها في بيت العائله مشاء الله عليها مفرفشه وسعيده ولا فيها اي شئ تبارك الله