نفساني - عرض مشاركة واحدة

08-07-2012, 12:17 PM

والله ياختي ميمي اني اردى منتس وكل الاعراض الي قلتهاا بالتمام تجيني واكثر شي فى الصلاه وبعدين احمدي ربتس انا على الاشياء هذي ادخن واتركوني اهلي لحالي فى البيت ماعندي الا اخو واحد بس وسافرو وجلسو فوق عشرين يوم تخيلي عشرين يوم وانا وحيد فى البيت ماطلع وان طلعت ماروح بعيد بسبب هالهلع واثاره وساوس الموت الي عكرت مزاجي وسببت شلل فى حياتي .. بس ابشرتس صارلي الحين ثلاث ايام مرتاح . تدرين ليش ؟!!
لاني قلت فى نفسي خلاص الى متى تعبت صارلي سنين على هالحاله اهج من الموت والموت قدامي ليش مو انا بنفسي اجيه وفعلا كل ماجتني خاطره او فكره وعرفت وقتها انو الهلع يطرق ابوابه وبديت احس فى الاعراض بالوقت نفسه اقول ابي الموت تعال خذ روحي ماعاد تعجبني حالتي اتالم شوي ومن ثم كل شي يتلاشى واستغرب واقول وين الاعراض راحت ؟!!!! وتجيني مره ثانيه وعلى هالموال .. بس الان قررت اني اجازف بكل شي . وقررت ارجع للعلاج . واجرب اعلاج ثاني غير الي كنت استخدمه قبل فتره لاني تارك الحين العلاج صارلي شهر حتى ماستعملته كثير مجرد اربع ايام وشفت الاعراض ازدادت وتركته بس حاليا عاقد النيه اني استخدم اعلاج ثاني واصبر عليه ومع تقوية نفس ومواجهة هالافكار راح باذن الله اتجاوز هالامر ولا تخافين وتقولين ابي اموت الموت جاينا لمحال بس عليتس مواجهة الفكره واعلمي بالاخير انو الامر كله خيره