نفساني - عرض مشاركة واحدة

09-07-2012, 01:15 PM

اقتباس:

المشاركة الأصلية كتبت بواسطة ملحوس من عام 27

اهلين اختي ميمي وصباحك فل وياسمين وجوري.
مدامك تقولين انك تستخدمين سيروكسات و ريمرون وتجيك نوبات هلع لحد اللحين فاانا من وجهه نظري اقولك العلاج غير مفيد انتي عمرك على مااتوقع 23 بس ماذكرتي كم لك تعانين من نوبات الهلع ولا ذكرتي كم لك تاكلين ادويه !! عموما السيروكسات لااراه مفيد جدا للعلع اما الريمرون فهو من اسوا الادويه واساسا هو متخصص للاكتئاب وليس لنوبات الهلع ومن سلبياته فهو يسبب احلام مزعجه وخمول ودوخه ...
نصيحتي لك يااختي ميمي اذا انتي راح تاخذين بكلامي وتشوفين ان هذا الكلام هو الصحيح اللي بقوله لك فاارجو منك تطبيقه لان صدقيني انا ماابي الا مصلحتك وانتي بحسبت اختي اللي من امي وابوي ,, نصيحتي لك اتصلي على الطبيبه اللي تعالجك وقولي لها انا ماارتحت على العلاج هذا وابي اغيره الى علاج ( سبرام ) طبعا علاج سبرام جديد ورائع جدا جدا ويقضي على الهلع من بعد توفيق الله خلال اسبوع الى اسبوعين وهو علاج مريح وفعال وسريع وليس له اي اعراض جانبيه وتم تطويره من قبل كم شهر انصحك به واذا قالت لك الطبيبه ( لآ ) انصحك بتغير الطبيبه لانها لاتفهم ابدا ...
بالنسبه للنوم والله ياميمي كانت تجيني حالات الله لايريك تدرين قبل اكون في اعماق نومي فجأه اقوم احس ان فيه شي خانقني اقوم من سريري اركض من قوه الخوف ولحسه المخ اسوي تمارين رياضيه لا شعوريا هههههههههههههههه اضحك على نفسي بعدها اقول في نفسي خير ان شاء الله وش احسبه ,,,
طبعا انا لو تلاحظين حاط اسمي ملحوووس ليش من كثر لحسات المخ اللي عشتها صرت اقرا كثير عن جميع الامراض 4 سنوات اقرا والله العظيم صرت انا دكتور نفسي الا عشر دقايق من كثر القراءه طبعا انا درست صيدله بس ماكملت ماتلاحظين مسكت بك خط عن حياتي ..,,
بالنسبه للماء في رمضان لآتخافين ولا شي ماراح تضطرين تشربين مويه لعده اسباب وتلاحضين اني اقولها لك وبكل ثقه انا اقولك ليش
على سبيل المثال انا من كثر ماانا ملحوووس وموسوس تخيلي المكيف شغال والنور حق الغرفه شغال لما يطفى الكمبرسر حق المكيف وش يصير باللمبه تضعف صح جربيها وشوفي راح تضعف تخيلي الغباء اللي فيني اول وش اقول شوفي الذكاء بس اقول اهااااااا ماضعفت اللمبه نورها الا عشان ملك المووووت جاااااء بخصوص ان ملك الموت يشفط الكهرب اذا جاء هههههههه وناهيك عن ام الوسوسه في مخي والله ياميمي وسوست اللين دخت صرت اشك باي شي الى اني قررت بيوم اقول لتفسي خلااص خربت واذا مت عاد وش راح يصير ,,, صرت معاد اهتم كلما جت فكرا براسي رحت اشغل نفسي باي شي اللين انا صرت اسيطر على تفكيري ,,,
بالنسبه للمويه في رمضان ياميمي من الان عودي نفسك ماتشربين حتى لو حسيتي بجفاف لاتشربين مويه ولو حسيتي بعطش روحي تمضمضي بمويه باااارده اذا حسيتي انك مضطره او غسلي وجهك بمويه بارده لانها تنعش ومثل ماقلت لك قبل لاتجين على سريرك الا وانتي فيك النوم بلاهي ماسالتي نفسك ليش ماتجيك الافكار الا بوقت النوم بس؟ تدرين ليش لانك اذا حطيتي راسك شغلتي تفكيرك بامور كثيره وتزعلين نفسك وتبدين تندمين على اشياء سويتها قبل وممكن تانبين ضميرك على اشياء هي اساسا عاديه وممكن تقولين ان هذي عقوبه افكار كلها مالها اي داعي من الاساس ...,
خليني افيدك بشغله هل تعلمين ان الرحمه عند الله 100 رحمه انزل للدنيا رحمه واحده فقط موزعه على البشر والجن والحيوانات مابالك 99 رحمه كلها عند الله لا تخافين من الموت لو بحلف ان عمررررك طووووووييييل
ممكن بكرا بعد 100 سنه كل اخوانك ماتو واهلك انقرضو وانتي لسى عايشه ومالك الا ضرس واحد ويهز ههههه وراح تشوفين عيال عيال عيالك ذكرتيني بعجوز اعرفها ماودها تموت للحين تخيلي بنتها عمرها 80 بنت بنت بنتها عمرها اللحين 30 وهي لسى عايشه لدرجه انك تجلسين جمبها تسمعين صوت الجرس تن تن متعديه 120 شكلي بنظلها الله يستر ههههه لآ تخافين من اي شي ولا تفكرين فكري مثلا باشياء حلوه اسمعي موسيقى تهدي الاعصاب مع صور طبيعيه حطي لك اهداف مثلا بسافر لدوله الفلانيه ادرين وش المشكله انو احنا نحطم انفسنا فينا هلع خلااص مانسافر ماتفرح اكسري حاجز الحزن قوي قلبك لوني حياتك غصب خلي مافي مقطع باليوتيوب مضحك ماشفتيه .... حاس اني اربربر واجد لاني موااااصل ... نهايه كلامي انصحك ( بعلاج سبرام ) وراح تدعي لي
اللهم رب الناس اذهب الباس عن ميمي اشفي انت الشافي لاشافي الا انت شفاء لايغادر سقما ..
اخوك / ملحوس
ملاحظه/ ميمي بليز ابي منك خبر سريع انك كلمتي الدكنوره عن تغيير العلاج اوكي بنتظر ردك !

جزاك الله خير ي الطيب بالنسبه لمده الهلع انا تقريبا صار لي سنه وكم شهر ومن بدات العلاج صار لي تقريبا 5شهور وقلت للطبيب ابغى اترك العلاج قال بعد العيد ان شاء الله بخفف لك العلاج لين تتركيه وراح اساله عن علاج سبرام مثل ماقلت لي حبيت اسالك انت من فين؟ وكم سعر دواء سبرام؟ وهل مازلت مستمر عليه او تركته ؟وجزاك الله الجنه