نفساني - عرض مشاركة واحدة - مشكله كبيره جدا لما اصلي واتقرب الى الله يزيد الاكتاب

12-07-2012, 10:01 PM

اخوي استهدي بالله وخل اعتمادك عليه بكل ذره من ذرات جسمك وما عليك كل الي قاعد تمر فيه وساوس ابليسيه يوم شافك تتقرب لله بطاعه جاك وصار يلعب براسك ..
اطاعه وأنا خوك يبيلها صبر وجهاد وعون من الله عشان كذا بعد كل صلاة كان الرسول صلى الله عليه وسلم يقول اللهم اعنا على ذكرك وشكرك وحسن عبادتك وهو من محمد خير من تعبد لله وخير من صلى وقام صلوات ربي وسلامه عليه ...
كل الي اقدر اوصيك ووصي نفسي وخواني هنا عليه اصبر وصل وما عليك النفس بين إقبال و إدبار عن الطاعه عشان كذا كثر من قول لا حول ولا قوة الا بالله أعلن ضعفك وفقرك وعجزك لله ودايم ادع الله بدون ملل والله يفرجها ربك عليك وصدقني كل مؤمن يمر بكذا بس الله يختبر عباده بيشوف الي يصبر والي يتضجر ويشكي خل ثقتك بالله كبيرة ألأنبيا اشد بلاء و شدائد وهم اقرب الناس لله مع هذا صبرو وتوكلو على الله حق توكله في مواقف لو يمر علىها اي واحد منا بيموت قبل لا يتخيل الموقف .. أكثر من الصدقه بنية الشفاء ,, وأكثر من الأستغفار .. وأكثر من الدعاء .. وخلك دايم دايم دايم شف كررتها لك خلك دايم على طهارة ولا تنوم الا وأنت طاهر ترى ابليس يموت ولا يشوف الؤمن على طهاره .. أسأل الله لنا ولكم وللجميع هنا أن نكون ممن إذا استعان بالله اعانه ومن من استعاذ به من شر ابليس اعاذه وأن يشفينا جميعا ويخلف لنا فيما اصابنا خير الدنيا وحسن ثواب الآخره ...