ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

محتاجة لحد يسمعني :(

السلام عليكم ورحمة الله وبركاته

شحالكم أعضاء منتدى نفساني إن شاء الله تكونين في صحة دائمة !!

هممم مبارك عليكم الشهر .. وكل عام و أنتوا بخير و بصحة وسلآمة يارب !!

آه .. ماقدر أكتم وايد في أشياء في قلبي أو إذا أبا أفضفضهآ أطلعها بشكل دفعآآآت ..
قلت لازم قول قصتي مع الوسواس .. منها أريح قلبي المتروس من الهموم .. ومنها تقرون قصتي وتعرفوني زين .. و تفهموني , وتقدرون تفيديوني ولو بأشياء بسيطة مب مشكلة
بس الله يخليكم أقروا موضوعي حرف حرف حرف
هممممممم

أنا بدأ معاي الوسواس يوم كنت في الصف التاسع و أنا الآن رايحة ثاني سنة للجامعة
أحسبوا يعني حوالي 5 أو 6 سنوات .. يمكن تشوفونها شوية بالنسبة للبقية بس انا اشوفها وايد
واللهم لا إعتراض !!

همم كيف بدأت معي ؟!
كنت كل ما أريد أصلي .. أحس إن وضوئي أنقض
حتى إني أستغرب من نفسي شو بلاني كنت أصلي بهدوء بلا وسواس و هواجس
قلت يلا ماعليه يمكن صدق أنتقض وضوئي و تميت أتوضأ لين ما حس عمري طاهرة
وماكانت توصل المرحلة لأكثر من مرة
يمكن بس مره أو بالكثير مرتين أو ثلاث ..

تطور الأمر .. صرت أتوضأ وايد .. لدرجة إنه أخيس ثيابي كلها ماء
عقب أبدل .. و ألبس جلابية ثانية
وأصلي
ما كنت أخشع أبد في صلاتي
لاني اصلي بسرعة خوف من ان ينقض وضوئي
خبرت الأهل بالموضوع وبدوا يلاحظون اسرافي في استخدام الماء
وهذا الشيء حرام ولا يجوز
ما استغربوا وايد لان في فردين من عائلتي عانوا باللي انا عانيت مثله
ف شافوا الامر وراثي
كنت مرتاحة البال لاني مافكر وايد
صحيح اتوضا واصلي وايد بس بالي مافيه أفكار
عقب تطور الامر وياني وسواس سلوكي قهري
قمت اسوي الشيء عدة مرات
تخيلوا بعد السبوح
اوقف عند الكبت اطلع جلابية جلابية
احس الجلابيات ترمسني تقولي لا تلبسين هاي
انتي قلتي كلام وصخ
انتي سبيتي
انتي وانتي
واتم متوترة ( أنا شو فيني )؟

عقب قمت اسوي اشياء غريبة و اوسوس فيها وايد
كله أفكار غريبة يعني أفكار سلوكية
سوي جي سوي جي ماسويتي ردي سوييه
ما صليتي عدل ما كبرتي ما قريتي الحمد ما قلتي أعوذ بالله من الشيطان الرجيم , بسم الله الرحمن الرحيم
وجيه !!!!!!!!!!
حتى القرآن الكريم أستغفر الله
كنت ما أشعر بقرايته لإن كان يوسوسلي فيه وايد
كنت أقرأ الكلمة مليون مرة عقب أتعب
وما يخليني أصك القرآن الكريم .. لإنه حرام
يعني كنت جد متوترة (وماعرف شو أسوي)؟

تطور الأمر و تطورت الوسوسة ( ياربي ) الله لا يراويكم بالأمور
كنت أبكي بكاااااااء شديد أقول في قلبي ليش جي أستويت
يتني فترة كنت ما اصلي فيها
لإني حتى و أنا أصلي أحس إني ما أصلي
لإني ما كنت أصلي
كنت أكثر شيء أسوية في الصلاة هو السجود
لكي أحس إني مصلية لاني كنت احس انه بدون سجود انا مب مصلية ( ياا ربااه كيف )
كنت ساعات ما اصلي
عقب رديت اصلي
واصلي ويا اميه بس
لين الحين
احس ان انا بدون امي مب مصلية
لازم اصلي ويا امية عشان احس اني مصلية
الله يخليها لي ويخليلكم أمهاتكم قولوا ( آمـــــــين ) !!!!!!!!!****
عندي وسواس الحلف يقولي انتي حلفتي تعملي كذا
وانا ما حلفت بس عندي احساس اني حالفة مادري شلون ؟!!؟!
...
بالنسبة لوسواس الموت
انا لما كنت صغيره كانت تيني فكرة الموت
بس كنت ما افهم وايد
كنت اقول لا نمت ما راح انش لاني بموت
ف تخيلوا اقعد لين الفير عشان ما اموت ههه
كنت ياهل ما كان فيني عقل
كانت بس فكرة تي وتروووحح

تي شهر مثلا اتم شوي وتروح
لكن ما حدث في هالسنة
لما كنت في الجامعة
يالله هنية بدأت معاناتي صدق يعني اللي كان قبل مقارنة بلي الحين ولا شي هاكي احسن بوااااايد
ماعرف كيف بدأت الفكرة بس هي بدأت فجأه
و حطيت في بالي انها مثل الغير يت و بتروح مثل القبلانيات اللي راحوا

تخيلوا كانت بس فكرة راح اموت اليوم الحين باجر وراء باجر اذا رقدت ما بنش وكذا كذا كذا كذا
شوي شوي حسيت بخوف فضيع
حتى اني تركت الجامعة بسبب خوفي الفضيع هذا
كنت اقول في قلبي اليوم نشيت بروح الجامعة بموت
ما برد البيت
عقب قررت و قلت للي في البيت مابروح
نصحوني ان حرام بندم وبالفعل ندمت
بس كنت صدق مب حاسة اني بخير
كنت اصيح صياح يكسر الخاطر

و ادعي الله يخفف عليه
والحمدلله الله استجاب لي
مع مرور الايام شوي تحسنت .. ما ببالغ
بس حسيت براحة
كنت دوم اصيح وما آكل عدل
بس بديت ما أصيح و آكل عدل
و تميت أسولف ويا الكل عكس اني قبل ما كنت أسولف مع حد
ومع ها قررت أرد الجامعة .. قلت بغير بروح الكلية يمكن اغير جو

بس لا رديت الجامعة لان ربعي يبوني و جي !!!!!!!!!!!!!!!!!!!!!!!!!!!!!!!
بعد حسيت بخوف بس مع سوالف ربعي نسيت
وبديت أروح الجامعة
في هالفترة كان عرس ربيعتي رحت واستانست بعد
الله يهنيها ويا ريلها قولوا آممممين !!!!*****

بس رد الخوف
كل مناسبة اقول ما راح اتم
كل شي ماراح اتم
اي شيء يصير معاي اقول بموت
اللي يقولي كلمة حلوة اقول ليش بموت
صديقتي قالت لي أحبج أقول بموت
ابتسمت لي اقول بموت
سلمت على حد أقول راح أموت
موت موت موت موت ...........*_*
كتبت شي يخص الموت اقول بموت
ارسلت دعاء عن الموت قلت بموت
اسمع خبر وفاة احس بغرابة
ضحكت بموت
صحت بموت
فيني رقاد بموت
ما فيني رقاد بموت
لو تذكرون اني كنت مطرشة موضوع عن السفر و اني خايفة
صدق كنت خايفة من السفر لدرجة كنت احس قلبي مقبوض
اي حد يقولي تروحين وتردين بالسلامة اقول بموت
صدق صدق في المطار حسيت ما راح أرجع خلاص لبلادي
وصلت هناك قريت رواية فيها سفر و البطل قلبه انقبض قبل موته بشوي وبالفعل مات
خفت وايد و هناك كنت عايشة على اعصابي الحين بيستوي شي الحين و الحين
بس من اقعد مع خواتي وبنات خالاتي انسى شوي نفسي معاهم و في الليل يزيد عليه الحال
موت بنت أختي زاد خوفي لان مثل ما خبرتكم لو قريتوا موضوعي اني حلمت بنفس اليوم عن سني يطيح

رجعت من السفر ولله الحمد ولكن الخوف ما زال

رمضان آه يا رمضان كنت أفرح فيه مثل غيري
أحس براحة غريبة فيه
لكن هالرمضان أحس بخوف فضيع فيه
هالايام أنا مب حاسة بعمري
احس اني خايفة من كل شي
احس اني راح اموت قريب
احس اني راح اموت في رمضان
احس كلكم بتقولون كانت حاسة
مرة اقول اني فرحانة لرمضان ومرة اقول انا خايفة لرمضان
مرة اقول بوكل اموري لله وان مت يومي
وفجاة اغير الفكرة واقول ليش جي قاعدة اقول اكيد بموت

ياربي الشيطان كيف لعين
عندي سؤال هو اللي يغير الافكار في مخي صح ولا انا غلطانة ؟!
الشيطان اللي فينا يتم ويانا في رمضان ولا ينقبض مثل غيره ؟!

صدق صدق هالمرة حاسة بموت
يمكن قلت قبل السفر و ماصار شيء
عيل ليش هالمرة احس صدق صدق صدق بموت
يالله كنه عندي علم
اني بموت واحس بتقولون بعد
واحس وانا اكتب الموضوع ان بتقولون مسكينة كتبت موضوعها وكانت حاسة

أستغفر الله صدق حاسة بموت

أتمنى إنكم تفيديوني ولو برد يريح البال و بسيط
محتاجة أفضفض و فضفضت خواتي الله يرزقكم الجنة ساعدوني

فمان الله < احس فيها نهاية

المصدر: نفساني