نفساني - عرض مشاركة واحدة

06-08-2012, 11:08 AM

مؤخراً , في فكرة عاملالي عاااصفة شديدة في دماغي , وهي :

احم احم , تحريك الأشياء عن بُعد بواسطة العقل فقط , يعني زي مابنشوف في أفلام الخيال العلمي كده

طبعاً لما صارحت واحدة من أخواتي بالفكرة دي , إني بحاول ألاقي الطريقة إللي تخليني أنفذ الفكرة دي , ضحكت عليَ و خرجت من الغرفه واللا مُبالاه تكسو ملامحها >> ما كانش العشم يا منار :D

,

تعالوا نشوف الأفكار إللي عملالي قَلَبان في دماغي :

الفكرة الأولى ،

طالما في اختراع اسمه " الريموت " و"اللا سلكي " والتحكم بالأشياء عن بُعد بواسطة الذبذبات الصوتية أو الموجات و الإشارات >> إللي أنا مش فاهمة منهم حاجة بصراحة

إذاً ليه عقلنا ما يقدر ع المُهمة دي , والعقل البشري على حد علمي فيه قُدرات إحنا مش بنستخدم إلا 10% تقريبا منها بس

" لما تسمعوني بقول " ززززززززززززززز " تعرفوا إني بحاول أعمل ذبذبات صوتية بشرية :D

الفكرة التانية , هي " الحسد "

لما الإنسان يبُص لحاجة جميلة جدا , أو حاجة هو بيتمناها , وفجأة كده و بكل ما يملك من الطاقة السلبية إللي فيه , بنلاقي الحاجة دي "اتفجرت " مثلا أو "أتشلت " أو " باظت " >> خيالي واسع جداا :D

المهم إن النتيجة _ بغض النظر عن الكوارث إللي بتحصل _ فيها تحكم عقلي و جبّار كمان , آي والله

طيب , نتعلم من الحسد إيه ياولااد ؟ إن في حاجة اسمها تحكم بالعقل فعلا

طالما حضراتنا عندنا قدرة ع الحسد بطاقاتنا السلبية , خلونا نكون محترمين شوية ونحسد,,, أقصد نتحكم بالعقل بطاقتنا الإيجابية , بعد إذنكم يعني

الفكرة التالتة , هي "الطاقة "

قرأت عن قانون الجاذبية التي تتحكم فيها أفكارنا, و عن كمية الطاقة التي تمتلكها أجسادنا, و هي الوسيلة لتحويل الأفكار إلى حقيقة في حياتنا

المهم , عرفت إن الإنسان "الفرد" يملك طاقة ممكن تمد مدينة كاملة بالكهرباء

إذاً , الطاقة إللي اتكلمنا فيها في فقرة " الحسد " موجودة فعلا وبكميات هائلة

/

يعني من الآخر كده ,

انبسطوا , لأنه في أمل ييجي اليوم إللي ترحموا أهل البيت من إزعاج اسمه " طفولي النووووور " وإنتم ع السرير ع وشك الإغماء , وتعتمدوا ع نفسكم وتطفوه بعقلكم هع هع