لن يهزمني الهلع

بيانات اضافيه [ + ]

رقم العضوية : 39816  تاريخ التسجيل :  08 2012  أخر زيارة : 27-07-2014 (05:43 AM)  المشاركات : 103 [ + ]  التقييم :  10

لوني المفضل : Cadetblue

أنا لسه جديد على كار الهلع و افلامه ههههههههههههه
بدأت كورس علاجي عبارة عن سيروكسات مع مهديء ليكسوتانيل,و المهديء نفسه قاعد يجيب لي نوبات هلع و قلق ههههههههههههه
تعبني اول كم يوم, بس كل يوم قاعد اتحكم فيه اكثر. مسكين هالهلع مو لاقي له طريق يدخل لي منه ههههههههههه
كل ما تبدأ أعراض النوبة, اقعد اضحك على الاعراض و أقول مرحبا بالوهم. لأن الموضوع كله على بعضه شوية أدرينالين انضخت بالجسم و خلت الدم يتجمع حوالين القلب اللي ما فيه اللا العافية اصلا. عاد تدرون ان المغامرين يضحون بحياتهم بتسلق المرتفعات او بمغامرات خطيرة عشان بس يحسون بشعور الادرينالين في جسمهم؟ احنا يجينا لحد عندنا هههههههههههه فخلينا نعيشه كمغامرة و نغلبه
تبون تعرفون ليه اطرافنا تبرد و تصفر و ترتعش بوقت النوبة؟؟ لان هرمون الادرينالين يحفز الدم انه يخفف تجمعه بالاطراف (الايدين - الارجل) و ينقل الدم الفائض الى اماكن يحتاجها الجسم اكثر في حالة الخوف,مثل المخ و القلب و العضلات القوية كالفخذ. يعني شعورنا بأننا نموت وقت النوبة, هو بالاصح اجراء غريزي يتبعه الجسم عشان ينقذك و يخليك آمن. راح تقول ينقذني من ايش؟؟ ينقذنا من الوهم اللي معيشين انفسنا فيه. يعني من ذكاء جسمنا و جهازنا العصبي, أنه يحطنا في خانة الامان حتى و احنا بعيدين عن الخطر. يعني لما تجينا النوبة, خلينا نقنع انفسنا اننا في وضع ((حماية)) موب في وضع ((خطر)).
و الله يقوينا كلنا على الشي (((السخيف))) اللي اسمه (هلع), لاننا نقدر عليه, عارفين ليه؟؟ لأننا نحن من صنعناه, فنحن الأعلم به :)

تحياتي