الطائر الحر

بيانات اضافيه [ + ]

رقم العضوية : 38895  تاريخ التسجيل :  05 2012  أخر زيارة : 16-03-2013 (08:33 PM)  المشاركات : 508 [ + ]  التقييم :  10  الدولهـ  الجنس ~

لوني المفضل : Steelblue

اختي لينة انا غادي نلخص ليك اشنو فيا بضبط

فشهر 2 تقريبا وقعات ليا اول نوبة هلع و الله وحدو لي عارف اشنو داز عليا فديك الليلة المهم من بعد بقيت كانبحث حتى جمعت معلومات مهمة على هاد الحالة و بديت كانتحسن و كنت بخير بصراحة يعني نوبات الهلع حاجة بسيطة و زوينة هههههههه المهم من بعد دازت الايام تقريبا شي شهرين او اكثر و انا بخير و مرتاح و احد النهار شفت راسي فالمريا و جاتني فكرة فراسي غريبة على اني ماشي انا ههههههههههه المهم الفكرة ماعطيتهاش اهمية كبيرة و لاكن بقات كاتعاود ليا فراسي كلما شفت راسي في المرايا من تماك مشيت لجوجل ههههههههههه و كتبت انا لست انا هههههههههههه او بديت كانقرا مواضيع على اختلال الانية و هاد المشاكل ههههههههه شوية بديت كانتخلع شوية مرضت باختلال الانية ههههههههههههههه شوية دخلت لهدا المنتدى شوية قالو ليا فيك جنون شوية زدت مرضت هههههههههههههههههههههههههههههههه شوية كنت غادي نتسطى هههههههههههههههه المهم مشيت بحث على كل شي و ايضا بحث فمسألة جنون و لقيت هادكشي كلو غير تخربق خاوية و بديت كانبحث على رئي الدين فهاد المسائل و لقيت ان مع الاسف كاينين ناس كايتيقو غير الخرافات او صافي المهم هادي دابا شهرين تقريبا و انا مريض في البداية كانت المسألة صعبة بزااااااااااااااف و اختلال الانية اثر عليا و بفضل الاخوان هنا لي ساعدوني فكلشي تحسنت او دابا مابقاش هاد الاختلال هادي اسبوع تقريبا عندي غير هاد الافكار كانحس بكثرة الافكار فراسي و تداخلها و تطيراه و تشابكها ............ و خصوصا في ليل فليل راه فحالة كانشوف شي فيلم ههههههههههههه هادشي لي كاين اختي

حاجة اخرى هادي ثلات سنوات لي فاتت كان عندي الوسواس القهري كانت كاتجيني افكار على الله عز وجل و اي شي عزيز عليا االمهم ماباقش بزاف شي شهرين و من بعد عرفت اشنو عندي و بديت كانبرا من هاد الوسواس

وايضا اختي ان شخيصتي فشكل شوية يعني حساس بزاااف وخا كاتبان عليا معصب صحيح هههههههه و لاكن انا حساس و من صغري كانت كاتدوز عليا مراحل ديال الخوف و لاكن هادشي لي فيا دابا حاجة اخرى


حاجة اخرى مهمة شحال هادي قبل مايكون فيا هادشي كنت شفت و احد البرنامج على المصابين بامراض عقلية و بقيت مخلوع شي جوج سيمانات هههههههههههههه و اقيلا هادشي عنو الدور فهادشي لي طاري ليا


حاجة اخرى انا قبل ما نوسل لهاد الدرجة كان كايعجبني نقرا في علم النفس و البرمجة اللغوية العصبية عندي كتوبة بزاف على البرمجة اللغوية العصبية و لاكن ما نعرف واقيلا انا كسول ههههههههههه ماستفدت والو كنت شحال هادي فخور بنفسي انني صغير في السن و عندي معلومات بزاااف او كانعرف نحاور الناس لكبار او كانقدر نحل ليهم مشاكلهم و لاكن دابا

مابيقتش فاهم انا فين هههههههه و الله ضايع او صافي واقيلا حتى الفراغ دابا ماتر عليا

حاولت نلخص ليك القصة ديالى قدر الامكان عرفتي الى جيت نكتب على حياتي كلها من طفولة راه ماغديش نسالي

في الطفولة بصراحة كانت ضغطوات و مشاكل و لاكن ماشي لشي درجو خيالة كاينين ناس بزاف عاشو فحالي و عاش في المشاكل المهم باراكا عيت من الكتبة هههههههههه

غادي نكون غلطت في الكتبة شحال من مرة ههههههههههههه الى لقيتي شي خطأ ما تحسبيهش هههههههههههههه