المشاركة الأصلية كتبت بواسطة لن يهزمني الهلع

آمين يا رب :)
أنا قاعد اتحدى الهلع كل يوم, أول ما تبدأ أعراضه, اقوم اكشف كل خططه ههههههههههههه اقول لنفسي "أدري انك بتبدأ تربك بطني,و بعدين راح تنمل راسي و أطرافي,و بعدين راح تقبض صدري,و بعدين راح تزيد دقات قلبي,و المفترض بعد هالمرحلة اني أخاف منك ياللي تتسمى (هلع), لكن لا, ما راح أخاف,و وريني اقوى ما عندك, لأن كلك على بعضك شوية هرمون ادرينالين انضخ في جسمي بوقت موب وقته و قاعد تحاول تخوفني, مكشوفة الاعيبك يا حبيبي, العب غيرها ههههههههه" و هو فعلا مجرد افراز لهرمون الادرينالين في جسمنا لاننا بدأنا نوسوس و نخوف أعمارنا, و جهازنا العصبي مسكين خاف علينا,و حب يحمينا من خطر احنا توهمناه,و افرز هرمون الادرينالين. يعني الموضوع على بعضه, احنا في كل نوبة قاعدين نختبر جسمنا, هل هو قادر على الحماية أو لا, و الله قادر باذن الله, بس خلينا نشيل وساوسنا اللي ما لها أساس و نخلي قوة حماية جسمنا للخطر الحقيقي, نحتاج الادرينالين عشان لما يطلع لنا الاسد في الغابة نقدر نفلسع و نهرب ههههههههههه فلا نهدر هالادرينالين في نوبات هلعنا السخيفة,,, خلونا نسميها سخيفة, لانها أسخف من إننا نكبرها و نعطيها حجم,,,, تحدوها :)