دمعه نازفه

بيانات اضافيه [ + ]

رقم العضوية : 39508  تاريخ التسجيل :  07 2012  أخر زيارة : 20-08-2012 (07:29 PM)  المشاركات : 1 [ + ]  التقييم :  10

لوني المفضل : Cadetblue

ارجوكم ساعدوني ....

بسم الله الرحمان الرحيم
السلام عليكم ورحمت الله وبركاته
انا اواجه مشكله كبيره ارجو مساعدتكم
ابي احد ينصحني ورتاح من الجحيم الي انا فيه
بالبدايه انا عشت طفوله كلها حرمان وضطهاد
مريت بمراهقه وكانت حياتي فيها اسوء لماتعرضت له من تعنيف بسبب شك أبوي وظلمه لي رغم اني بريئه ومحافظه على نفسي
صرت احس بعدها ان محد معي وان الكل يكرهني واني غير محظوظه فشلت بدراستي
واصبحت دائما حزينه وساكته ومنطويه عن الناس
خوف ان احس بالضعف بينهم لاني احس نفسي ابدا مو محبوبه
ولا لي وجود وغيرتي من اختي الي اصغر مني والكل يحبها
جعلتني احب الانعزاليه علشان ماحس بهالمشاعر
اصبحت معروفه بجتمعي باني ماحب الناس مغروره ولاعندي اخلاق
رغم اني احب الناس ومتواضعه ومسالمه بس هم حكمو علي بهالمواصفات بدال مايساعدوني
وعشت واقعي الاليم
بين الوحده والامل
اني القى شخص احبه ويحبني ويعوضني والقى معه السعاده
استمرت الايام ولما اصبح عمري 25 تقدم لي واحد من جماعتنا وكنت خايفه من زمان اني اتزوج منهم
رفضته بس اهلي اجبروني على الزواج منه بالقوه
مااقدر اوصف لكم مدى كرهي لحياتي ماتهنيت بزواجي ولافرحت بزفافي
ماكنت ابدا مرتاحه لواقعي الجديد الي انا عايشته
اهله مو قادره اكسب محبتهم
وغير هذا كله علاقتي معه سيئه جدا دئما يسبني ويسب اهلي يحقر فيني
وكأنه يكرهني رغم انه اخذني وهو يحبني
يمدح بنات جماعته عندي وسفه فيني
استغرب من تصرفاته
نجلس مع بعضنا ولا نتناقش ولا نسولف مع بعضنا وكأن بيننا عداوه
اعترفت له اني مغصوبه عليه صار يتحاشاني اكثر وانا مالومه
كرهي له وبغضي لحياتي الجديده وعدم راحتي معه ونفوري من المعاشره رغم اني مارفض اذا طلب مني الا ان عندي برود وكره للمعاشره...حاله جعلتني اعيش بصراع مع نفسي وبنفس الوقت تأنيب ضمير
ما ابي اعذبه معي ابيه يكون سعيد لو يتزوج علي ...
بس ابي ارتاح
ادري بتقولون لي ارضي بنصيبك والحب يجي مع العشره لا كن والله العظيم اني مو قادره
ناس كثيرين قالو لي هالكلام
قالو ماراح يجيك احد احسن منه واذا انفصلتي ماراح يرحمك المجتمع
كل هذا عارفته وفاهمته بس هو وش ذنبه يحس بنفوري منه.. وانا ليه اعيش بمكان واقع مو مرتاحه فيه يعني اعيش بهالعذاب النفسي لين اموت ...
يمكن يجي فبال احد اني يمكن احب لي شخص ثاني غير زوجي يعلم الله اني ماعمري فكرت باحد معين بس كنت ادعي ربي انه يجيني شخص ارتاح معه ويرتاح معي لا اكثر
لاكن واقعي عكس الي تمنيته كله ملل وكئابه
نفسيتي اصبحت اسوء منها قبل صارت الحياه مالها طعم
اهملت نفسي واصبحت انعزاليه اكثر
كم مره فكرت بالانتحار احس الموت هو الحل الوحيد
ماعاد فيه امل ولا حالم انتظره تايهه وحس كل الدنيا سودت بوجهي

انا لجأت لكم بعد الله تساعدوني

المصدر: نفساني