ابو علي313

بيانات اضافيه [ + ]

رقم العضوية : 38628  تاريخ التسجيل :  05 2012  أخر زيارة : 23-08-2014 (08:12 PM)  المشاركات : 282 [ + ]  التقييم :  10

لوني المفضل : Cadetblue

انت تدري شو يعني مرض نفسي؟؟
" يعني يأثر عليك نفسيا، يأثر على رغياتك ويصدك عن كل شي تقريبا، اعني الإكتآب بالذات"
لما تسال واحد مر بحالتك ومر عليه مثل ما مر عليك وبعدين تحسن بتتطمن،
انا مر علي نفس حالتك وكنت والله بجن لما كنت ما أعرف باللي فيني، الكل يقولي عين وسحر وحسد وما بقيت مطوع ولا تعويذات ولا قرآن لكن بلا نتيجة،
انا مو اشكك في القرآن ولا التعويذات، لكن اذا ما ضبطت يعني بإختصار محتاج لدواء،
كنت اكره حتى اصلي، والقرآن ما أقدر أقراه، يعني بموت لو قريت آية،، ( مع ان مرة وحدة كنت في أشد حالات الإكتآب وما عندي ولا حل ( قبل الدواء) وما قادر افتح القرآن لكن قلت بس بشوفه بعيوني وبقرأ بدون تركيز واستغربت ان الحالة خفت مؤقتا
ومثلك اكره اشوف الناس عايشة حياتهم وانا تعبان بحالتي، انعزلت عن الناس بداية الإكتآب بس بعد اادواء بفترة صرت متواصل بس مو كثير لان بعد الناس تسأل " تخرجت؟ توظفت؟ ليش؟" معذورين ما يدروا بالحالة ولا فيني نفس أفهمهم لأن صعب يصدقوا وبيقولو كلام ما منه فايده " شد حيلك وقاوم نفسك وحاول تطلع وغيره من الخرابيط" بس يمكن لو كنت انا في موقفهم بقول نفس الشي! لأن تدري الواحد يتكلم على حسب معرفته وخبرته،
انا درست بالجامعة 5 سنوات بس آخر فصل اشتد الإكتآب والإرهاق لدرجة اني بالصعوبة اوقف على رجلي وقلبي ينبض بسرعة، وطلعت من الجامعة،
الحين سنتين في البيت لكن بفضل الله ثم الدواء تحسنت بشكل ملحوظ، النفسية 80% احسن والإرهاق يخف ويرجع بين فترة وفترة واحاول ارجع الجامعة ( اذا الله كتب ووافقوا على رجوعي)
انا حاس بموقفك لاني مريت بنفس الموقف، وبصراحة انا مركز عليك وأفكر فيك وأقول مع نفسي " شو صار مع منتضر الفرحة؟ عسى بدأ يتحسن ؟ عسى صابر على الدواء"
بسالك، انت تراجع طبيب؟؟ ليش تسأل متى تاخذ الدواء؟ لا تخربط بوقت تناول الدواء لأن صدقني بترجع للخلف،، امشي مثل ما قالك الطبيب، اما اذا كان موقفك يمنعك تراجع طبيب بنحاول نفيدك بكيفية تناول الدواء،
افكسور حسب علمي يؤخذ لى فترتين صباح ومساء،
نصيحتي استمر على نفس الوقت اللي تاخذه واصبر بعدك حتى تكمل شهر وإن شاء الله تتحسن،
خلي ببالك ان قطع الدواء قبل شهر ما بيفيدك ابداً، بالعكس يمكن تخسر دواء هو المناسب لك بس ما عطيته وقت!
افكسور طبيعي يتأخر لشهر بس ناس استفادوا بالفعل منه، لا تنسى ان صار عندك إكتآب فترة طويلة بدون أي أدوية، يعني لا تستغرب اذا مر اسبوعين او ثلاثة بدون نتيجة، بس تأمل خير ( ادري صعب)
اصبر بعدك شوي، انت خلصت نص شوط ( اكثر من 15 يوم ) وباقي النصف،
وحاول ما تفكر في الناس الصاحين حالياً علشان ما تتعب نفسيا،
دامك بديت بمشوار الأدوية تتطمن بتوصل إلى نتيجة بس محتاج لبعض التجارب ( اعني تجارب كامله، يعني تعطي الدواء وقت قبل ما تفكر تغيره )
الله موجود ومطلع على مصيبتك وعلى كل مصيبه ويريد لك أجر الآخرة، الأجر الأبدي ( على قدر البلاء يكون الجزاء ) يعني صدقني لما تطلع من الإكتآب بتشكر الله وبتحمده وبتقول ياليت طول بعده شوي الإكتآب علشان يزيدد الأجر،
نحن كلنا معك وخبرنا بكل جديد، ما بتحصل حد يفهمك كثر اللي يعانوا او عانوا الإكتآب،

انا بعد هالأيام حاس بالتعب وشوية ضيق ( تدري صيام وقلة أكل) لكن كله بأجره،

بالتوفيق والله معاك،