|
تدرون شو استوى فيني أمس ...؟
السلام عليكم ورحمة الله وبركاته
شخباركم ؟
أتمنى من تنزعجون من مواضيعي
ف أنا بعد الله أفضفض لكم و ارتاح :(
أمس و أنا عالفرأش أبا أنام
وصلني برودكاست
العنوان شدني وآيد
كان مكتوب
وإنا لفراقك يا رمضان لمحزونون !
و في دعاء للشيخ أدريس أبا بكر _الله يحفظه_
ف شدني العنوان
وعلماً بأن هالشيخ ماشاء الله عليه يمتلك صوت ؤلا أروع
ف قلت بسمع الدعاء
فتحت الدعاء
كان يبكي وآيد ، و يدعي الله ، و زعلان وآيد لأن رمضان راح يخلص
المهم و أنا أسمعه يصيح و يدعي تأثرت وآيد
و خفت و جاني وسواس الموت بعد
سمعته و بندته
تميت أفكر ، أنا قبل يتني فكرة و تميت أفكر إني ما بتم في رمضان
والحين أفكر إنه هذا آخر رمضان لي
المهم لين ما رقدت
اليوم و أنا يالسة ويا خواتي
نرمس في أمور كثيرة
ذكروا سالفة اللاعب الإماراتي ذياب عوانة لو سامعون عنه
ذياب عوانة توفى الله يرحمه
أختي تقولي كانو مطرشين عنه
إنه في رمضان اللي طاف كان يصلي خلف نفس الشيخ
أدريس أبا أبكر
و عندما دعا بأنه ربما يكون هذا آخر رمضان لنا فأغفر لنا
ف ذياب عوانة _الله يرحمه_فبكى كثيراً !
و سأله ربيعه عقب الصلاة و الدعاء
ليش بكيت كثيراً !؟
قاله مآدري تأثرت وآيد ،
 خوفتني أختي ،.
يعني الإنسان يحس يا ناس ؟
أنا بعد تأثرت ، مآدري ليش ،
خائفة يصير فيني جي مثل ما صار في هالولد _الله يرحمه_
أموت في مثل اليوم أو الشهر أو الأسابيع اللي مات فيها
أقول أنا حاسة هيك هالرمضان
و ما حسيت قبله
لأن قبل ما ياني هالوسواس
ف كنت ما أحس
أما الحين لأني أعاني من هالمرض
أحس جي ، و كل ما تقرب شيء قلت في نفس خلاص الموت قادم وجي
صح يا ناس ؟
صح اللي قاعدة أفهم عمري فيه !!؟
ساعات أقول خلاص كلنا ميتين
و أنا دعيت ربي يطيل عمري على طاعته
إن شاء الله يستجيب دعائي
و فجأة أقول لا
تعبت كثيراً
ماعرف شو أسوي في نفسي
من يسولفون عن الصحابة _رضي الله عنهم_ كيف كانوا قبل
شو كانوا يسون
يسولفون عن الموت الحياة أي شيء
يخص الممات و الحياة
أحس بالموت و أخاف.
|