اخوي ضاقت الطرقات

الزانكس حتى عندنا في السعوديه الحصول عليه صعب كأنك قاعد تصرف قنبله نوويه ما كانك قاعد تصرف دوا :)

لازم اول شي يقتنع معالي الطبيب النفسي انه يكتب الوصفه..واذا ما اقتنع الله يعين تروح تدور طبيب ثاني الين تحصل طبيب يتكرم و يكتب لك الوصفه

وبعد كتابة الوصفه تبدا رحلة البحث عن الدواء مثلا انا برياض في اكثر من الف صيدليه عندنا..الي يصرفون دواء زانكس فقط 4 صيدليات اقعد ادور بينهم احيانا الدوا يكون غير موجود احيانا الصيدلي المختص بصرف هذا الدوا يكون غير موجود والله يعين ..وطبعا عند صرف الدوا ياخذون بيانات بطاقة الاحوال والاسم واوقع على الورقه

اجرائات قمه في التعقيد ما عندهم احساس ولا انسانيه وما يراعون حالة المريض وتعبه و الله المستعان

في دول ثانيه مثل فرنسا والمانيا يصرف الزاناكس بدون اي وصفه طبيه.. دولة مثل امريكا يصرف الزنكس فقط بورقه عاديه من اي طبيب حتى لو طبيب باطنيه

لكن في الدول العربيه ودول العالم الثالث المتخلفه معروف ان الاجرائات معقده في كل شي بسبب الجهل


وبنسبه لتعود اخوي الجرعه الي تستخدمها تعتبر بسيطه وباذن الله ما تسبب تعود..التعود يجي لما تكون جرعات عاليه مثل واحد ملي كل يوم او اثنين ملي لمدة زمنيه طويله مثلا 4 او 5 شهور بشكل متواصل يوميا هنا ممكن يحصل التعود


ولكن اخي الكريم لازم تستخدم دواء يعالج المشكله مثل سيروكسات او سيبرالكس لان هذا هو الدواء الي يعالج المشكله من جذورها باذن الله ولما تتحسن عليه خلاص بيصير الزانكس تستخدمه عند الضروره فقط ..يعني من ناحية العلاج لا تعتمد على الزانكس لانه مهدئ فقط