|
بدي جرب اول مرة احكيلكم معاناه من معاناتي يلي بعانيها
السلام عليكم ورحمة الله وبركاته
حبيت اشارك معكم في المنتدى واحكي وافضفض
مع العلم انو انا تقريبآ من شي سنة وانا اتابع كل يوم المنتدى لكن بدون مشاركة
قليل جدآ ما شاركت
المهم اخر مهاناة الي بعانيها في الوقت الحالي انو في الليل ما بنام بالمرة
بعد اذان الصبح بنام وعلمكم المعاناه يلي بيعنوها اصحاب الهلع اكيد انتوا
كلكم عارفين البير وغطاه طبعآ واهم شي بالموضوع انو ما بحب اولادي ينامو
بحب يكونوا صاحيين معي بدي حدا يضلوا صاحي معي ينونسني.. زوجي احيانآ بينام بدري
وانا افضل صاحية لوحدي الاولاد كانو يسهرو معي للصبح
لكن هلا اجت المدرسة وما في مجال للسهر
وانا كتير مزعوجة من هالشي مع العلم انو قبل ما انام بقرأ قرأن وبستغفر وبذكر الله وبكون نعسانة كتير
وازا نمت احيانآ بنام ربع ساعة وبرجع بصحا وبضلني للصبح يعني هيك بكون شبعت نوم
وتعالو شوفوني في النهار شو بكون نعسانة يا ريت اكون هيك بالليل نعسانة متل النهار بصحا من النوم الساعة تنتين او تلات
العصر وازا حاولت اصحا بكير وما بدي انام بيضلو جسمي تعبان كتير وما فيني حيل اعمل شي بالبيت
وانتو عارفين انوا اصحاب الهلع لازم يكونوا دايمآ شبعانين نوم لانو النعس بيأثر .. وانا كتير شفت زوار صاحيين منشان هيك انا
كتبت موضوعي ..... يا ترى اللي صاحيين للوقت هاد عندهم قلق نوم متلي ؟؟؟؟ اتمنى الرد وربنا يشفي الجميع
|