نفساني - عرض مشاركة واحدة

10-09-2012, 10:51 PM

اختي انتي تخافين من الموت ولا ما بعد الموت ؟؟ الموت ات لا محالة رضيتي ولا انرضيتي بتموتين يعني بتموتين ما بتمين في هالدنيا ومحد بيتم كلنا ميتين .

الموت ياتي فجاة , اليوم سويت حادث وكنت ماشي بطريقي وفي حالي وراجع البيت وفجاة سيارة تطلع بويهي حاولت اتفادها لكن دعمت طرفها وركبت فوق الرصيف ولولا رحمة الله كنت بطيح من فوق المرتفع اللي عليه الرصيف لكن ربي ستر .

صدق حسيت بالموت ,, هني الواحد يشعر بالموت , الموت ياتي فجاة ماشي مقدمات .. انتي لازم تواجهين خوفج وترددين كلام معين يوميا اكثر من 100 مرة عشان تركز الفكرة في بالج .

مب معناته تحسين انج بتموتين يعني احساسج صادق وبتموتين الحين ولا عقب كمن يوم , ابدا ما يخصه .. عندي واحد من الاهل اصيب بالسرطان وانتشر في جسمه والاطبا قالوله ما بتعيش الا كمن شهر 6 شهور كحد اقصى والحين صار له 5 سنوات عايش .. وابدا ما تقولين هذا مريض الخ يروح ويطلع عايش حياته عالاخر , مع انه هذا ممكن يموت في اي لحظة بسبة مرضه ..

محد يدري متى بيموت , اطردي هالوساوس من راسج ودايما يوم اييج الوسواس اقري سورة الناس كذا مرة .. انا اتيني وساوس من نوع اخر لكن حاليا اقرا سورة الناس كل مرة يوسوس لي الشيطان واشوف اني احسن لانه الوسواس يتلاشى بذكر الله .

الله يشافيج ويعافيج .