(طبعا في ناس في نفسهم يقولو لي كبر دماغك وماله داعي ترد، لكن اتمنى تتسع صدوركم وتعتبروا ردي هو نوع
من العلاج النفسي لعله ينفع ويكون فاتحة خير لها.
مو مشكلة تحذفوه من هنا لكن ياليت ترسلوه لها رسالة لأنو مافي خاص ولا أعرف كيف أوصله لها)

أقول لك حاجة ياعايشة ولا تستغربي منها، اتوقع علامات التعجب والتناقض اللي بدأتي بها غالبا والله أعلم لها علاقة
بأني ماجبت اسمك في البداية مع الطيبين والطيبات اللي احفظ لهم الود مع اني قلت وكثيرين طيبين وطيبات.
طبعا من السهل تحلفي انك مافكرتي بهالطريقة المريضة وتقولي ان عايشة بحلم أكبر من هالتفكير،
اتمنى تكوني صادقة فعلا وأكون غلطان في فهمي المريض هذا.

طيب أقول لك حاجة ثانية بخصوص فجر منير اللي تقولي انك عرفتيني من ذاك الوقت من اسلوبي معاها ؟
تعرفي اني تعمدت معاها الاسلوب الاستفزازي ولم اراعي شعورها مثقال ذرة ولم اذكر لها اي حسنة ولم انصفها
عامدا متعمدا رغم انها انسانة مثل كل الناس عندها الخير والشر، وكان تصرفي معها بقصد مواجهتها والتصادم
معها بشكل يساعدها في حل مشكلة لديها، على خلاف من كلامي معك تماما، فأنا تعاملت معك بصورة الند وليس الطبيب
وأقصد تماما ماأقوله لكِ وأكشف عنه من خير أو شر وأعاتبك واحاسبك وأطلب حقي منك بعكس فجر منير كنت اتعامل معها كطبيب.
طبعا ماتعرفي ليش ولا فرقتي بين الوضعين بسبب انك نظرتي للموضوع بصورة شخصية وماحاولتي تنظري له بحياد وموضوعية.
طبعا هذا بسبب التكبر وشوفة النفس ليس الا.


خلينا نمر على الكلام اللي صار وشوفي بنفسك الحقيقة:

في بداية الكلام طلبت منك طلب بسيط هو انك تصفي النية وماتسيئي الظن في الآخرين وذكرت خصلة طيبة عندك
يعني ماذكرت عيوبك فقط ولا تنكرت لحسناتك وماناسبك هالكلام بسبب التكبر، كيف يقول ان عايشه تسيء الظن؟
كلنا نغلط ونسيء الظن بشكل او بآخر ونحتاج احد يذكرنا ان نحسن الظن بالآخرين، ايش المشكلة ؟
كان ممكن بكلمتين تقوليها هي معليش تراك فهمتني غلط انا استغربت كيف تحب الحوراني وصلاح
وتكره الدخول للمنتدى في نفس الوقت؟ فهمني مافهمت، وهذا بدل التريقة والتكبر.

لكن قلت فى شئ مزعلووووووووووووووو كثيررررر
لانه مستحيل يكره المنتدى وتطيب نفسه منه إلا إذا فى شئ قاهرووو
سبحان الله! كنتي تقدري تقولي هالكلام بوضوح بدون كلمة تناقض وعلامات التعجب، فعلا انا كنت زعلان جدا
ومقهور جدا وكرهت المنتدى جدا وماطابت نفسي ادخله ، وين التناقض؟ حبي العام للحوراني وصلاح ماكان كافي
بسبب الزعل الشديد من نواحي معهم ، ماكان كافي انو يخليني ارتاح بالدخول للمنتدى، ليش ماتطلبي توضيح
بأسلوب مهذب بدل اسلوبك الفض اللي يثير الشبهات؟

قلت لك الله يشفيكي وقصدي يشفيكي من التعدي على الناس وأكلت معك بسبب التكبر وتبرئة نفسك بالباطل
وقلتي لي الله يشفي الجميع واعتبرتي اني بغلط عليكي وعلى نفسي رغم انها دعوة طيبة لك ماكان هدفها الغلط
لاعليكي ولا على نفسي، بالعكس سياق كلامك هو انك فهمتيها غلط عليكي ورديتيها علي

أقول لك تحترمي الآخرين تقولي أحترم المحترم، في احد ياجماعة مايفهم انو المقصود انه: وماأحترم الغير محترم؟
ولو واحد قالك احترمني ورديت عليه بقولة انا احترم المحترم مو من حقه يفهم انك تقول عنه انه مو محترم؟
لا، وجيتي تكحليها عميتيها: لانى قلت إنى بحترم المحترم وكذلك الغير محترم الآن

وعاتبتك بعدها ومرة ثانية اعترفت بحسناتك وقلت مارح اكرهك فجاء الرد المليء بالتكبر واللي ماله داعي ويحمل معنى "الطز"
مغلفة بغلاف شرعي مانختلف عليه ولا هو مجال الكلام فيه ،
وكلنا عارفين ان اهم شيء هو حب الله لنا ، طبعا " الطز" هذا بدل كلمة طيبة تقرب القلوب وتصفي النفوس

اعطى فى الوجه ولا فى القفى انا مسامحتك طبعا يعني انا قاعد أغلط عليكي بالباطل ، مافي اي اعتراف بأنك غلطتي
لأنه كيف عايشة بحلم تغلط؟ عايشة اكبر من الوقوع في الغلط

كلمة تحفظي ماء وجهك او تلقطي وجهك ترى مو مرة سيئة، ونقولها كثير للي نمون عليهم، وكلنا تطيح وجيهنا بشكل أو بآخر،
وحلو ان الواحد يتدارك طيحة الوجه بالتراجع والاعتذار والانسحاب. وعايشة بحلم بشر زينا يعني ،
ماله داعي تتككبر وتقول وجهي عمره ماوصل الأرض ، ليه يا عايشة؟ على راسك ريشة مثلا؟ والا انتي ملاك؟

لو رديت راح يكون ردى حاد جدا أكثر مما تتوقع لا لاتخافي خذي راحتك متوقع اي شيء

تأكدت انى أعقل مما اتوقع ، طبعا هالكلام مليان كبر ومدح للنفس

ثقتى من الله لاهى منك ولا من غيرك ، لا والله الثقة المفرطة من الشيطان ماهي من الله،

طبعا مقولة "لاهي منك ولا من غيرك" مايبغالها ترجمان يوضح الاستخفاف بالآخرين والتكبر عليهم.

أكثر مما تتوقع مهارتـــى ، طبعا عايشة شيء كبير

عايشه ما تغير نظرتها فى الشخص لا المدح يجيبنى ولا الذم
طبعا مايبغالها فن اننا نفهم ان نظرتك في هي اني زي الزفت، ونفهم ان عايشة كائن خارق اكبر من انه ينضحك عليه

بنت الاجواد تعرف كيف تتخاطب ومع مين ممكن تتخاطب ..
يالحورانى .. أنا ما أغلط وانت أدرى بشئ دا عايشة كائن خرافي أكبر من الغلط

أقول لك باختصار:

ســــــــــبحان الله أراد لك العزة ورفضتيها مع سبق الاصرار
كذبت نفسي وشكيت فيها علشان اوجد لك عذر واتأسف منك واعتبر انه انا الغلطان وانا فعلا قلت اكيد اني
تسرعت واتهمتها بالباطل وهي محترمة ولايمكن تقصد السوء
لكن الحمد لله، ربي اراد انه يكشفك على حقيقتك بدون اي شكوك او شبهات او مجاملات
مايودي الناس في داهية غير الثقة الزائدة عن اللزوم والتكبر واستباحة الآخرين وعدم احترامهم
ولو الواحد عرف قدر نفسه وتواضع لله وعرف حدوده مع الآخرين وتأدب معهم كان وجد العزة الحقيقية
اللي ربنا خص بها نفسه ورسوله والمؤمنين.
عمر العزة ماتكون باللسان السليط وتهديد الناس به والتكبر
خذي راحتك وقولي لي مايحلوا لك، فوالله لا أعلق على كلامك ابدا
وصدقيني اخت عايشة مايصح الا الصحيح، والحق حق والباطل باطل وهذا شي يمشي على الكل
ماحد فوق هالحقيقة مهما رفع صوته او شتم او تسلط او شاف نفسه على الآخرين.

ولازلت أعترف بأنك انسانة لديك الكثير من الطيب والحسنات مهما كان عندك سيئات
وهذي حقيقة مو مجاملة ولا قاعد أجيبك بالمدح، كلنا بشر ي عايشة والعاقل اللي يفهم
نفسه ويجاهدها وليس اللي يشوف نفسه ملاك