فاقده ابوها

بيانات اضافيه [ + ]

رقم العضوية : 40180  تاريخ التسجيل :  08 2012  أخر زيارة : 03-01-2013 (12:13 AM)  المشاركات : 99 [ + ]  التقييم :  10

لوني المفضل : Cadetblue

تعبت ياعالم ساعدوني :(

مسااء الخير ..

حياتي تغيرت كرهت كل شي اول شي بدات حالتي بنوبه هلع صحييت من نومي مفجوعه واحس بالموت وذا الكلام قبل 3 شهور وماهتميت بس من يومها وانا عندي ضيق في التنفس يعني ماقدر اخذ نفس كامل احيانا
ورجعت انعادت نفس النوبه في رمضان ونمت بعدها وانا خايفه وجاني حلم يحدد متى بموت ومن يومها وللحين ماحس بالراحه دايم في قلق وخايفه واحس اني بموت قريب وبرمضان كنت اقول ماراح اكمل الشهر بموت والحمدلله على كل حال
والحين صرت اقول ماراح اكمل الشهر ذا وكل وماتذكر الحلم تزيد المخاوف عندي وصرت بس حاطه يدي على صدري المس النبض ووسوست بالامراض لو جاني مغص اقول مرض خطير وبموت وبعدها صار كل تفكيري في قلبي واحس نبضاته سريعه
رحت للمستشفى سويت تخطيط قلب الحمدلله طلع سلييم ورجعت بعدها وانا الحمدلله كنت فرحانه واحس الالام كلها راحت من جسمي
ثاني يوم العصر رجع لي الوسواس واقول اني بموت واحس الالام في صدري وظهرري وضيق في التنفس والمشكله الحيين صرت مااحس انه وسواس اقول شعور حقيقي والله تعبت كل يووم يطلع لي شي :(
وكمان احس احيانا حركه تجي في جسمي متنقله مالها مكان محدد مره في ظهري ومره ببطني ومره في فخذي ورجولي تجي بسرعه وتروح
واخاااف اكثر شي وقت النوم ومن الاحلام احيانا تكون عاديه بس برضضو اخاف منها واذا احد قلي انه حلم اخاف واخاف اطلع من البيت لحالي حتى دراسه مو قادره اكمل ووالدي توفى قبل شهرين وكل ماتذكره ولااحلم فييه اخاف

ميين مر علييه كذا ؟


09`1`01`0109`1`01`01

المصدر: نفساني