بنت الجوري

بيانات اضافيه [ + ]

رقم العضوية : 31919  تاريخ التسجيل :  10 2010  أخر زيارة : 17-07-2015 (06:03 AM)  المشاركات : 579 [ + ]  التقييم :  10  الدولهـ  الجنس ~

لوني المفضل : Antiquewhite

هلا فيك اختي

جدا أألمني وضعك وخصوصا موقف زوجك

اختي العلاج لابد منه حتى لو كان اللي فيك عين

بكل بساطه بقلك عن حالتي وتعلمي منها ..

بداية مرضي النفسي عين وكذلك موقف تعرضت له بالمدرسه
الفرق بين العين والموقف تقريبا شهر يعني ضربتين ورا بعض

النتيجه اكتئاب مع هلع وخوف مع وسواس مع رهاب العيله كلها اجتمعت عندي

كنت ارفض العلاج النفسي جملة وتفصيلا وبقيت على هالحال اتعذب يمكن سبع سنوات
كنت اروح لرقاة بس ما احسست بفرق الى ان تدهورت حالتي وقررت اروح لطبيب نفسي رغما عني
وحتى وانا عند الطبيب كنت احاججه اقله انا فيني عين كيف بتعالج بحبوب

وقالي كلام اقنعني واسكتني ..

قالي اوك فيك عين والعين تترك اثر بالجسد
مثل طفل جميل جالس يلعب بين الناس وجاته عين وطاح وانكسرت ايده
هل نوديه للراقي على طول والا بالاول نوديه للمستشفى ونسوي جبس لايده المكسوره ؟!!

ومن هالكلام اقتنعت وبديت بالعلاج وانكشفت عني الغمه وحسيت بالحياه صرت انسانه طبيعيه
اكملت دراستي بعد ما انقطعت عنها وتزوجت بعد ماكنت ملغية فكرة الزواج من بالي
وكله بفضل الله ثم العلاج النفسي اللي اعتبره نعمه عظيمه
الحمدلله انتهى الاكتئاب والخوف والهلع والوسواس ومو باقي الا الرهاب
وباذن الله بينتهي كلي امل وتفاؤل بالله

عذرا اختي على الاطاله بس حبيت افيدك وافيد كل محتاج ومحتار

قولو ما شاءالله ولا تنسوني من دعاءكم بتمام الشفاء :)