نفساني - عرض مشاركة واحدة

04-10-2012, 07:00 PM

السلام عليكم و رحمة الله و بركاتة

شحالكم جميعاً إن شاء الله بخير !؟!

أبا اقولكم شي في خاطري

أنتوا أدرى بحالي

إني أنا أعاني من الوسواس القهري و من وسواس الخوف من الموت

و الأحلام قصتها قصة ثانية بعد

ممم اليوم حلمت إن تيلفوني يخترب و أشتري تيلفون يديد

و تفسير الهاتف في المنام بشارة

خائفة تكون بشارة موتي أو بشارة مب زينة

أنا مب متشائمة و احااول أني أتفائل و أحسن الظن بالله العلي العظيم

بس تدرون كل ما أبا أتفائل أقول لا أكيد بتكون بشارة مب حلوة أو مخيفة

أو إني بموت قريب و أنتوا بتقولون جي و يتدرون إن حلمي تحقق...

حتى الحين وأنا أرمسكم و أقولكم إنكم راح تدرون أحس بحقيقة قرب الموت

الشيء الثاني

أحس وسواس قرب الموت قام يزيد اليوم خاصةً

أحس خلاص الحين كل شي جاي و حقيقة لا غير و لا كذب

و اللي مخوفني أكثر إن أنا يوم ميلادي قرب و فوق هذا هالحلم اللي دليله بشارة

يعني قعدت أربط إن بشارة و يوم ميلاد و قرب موتي تفسيره بيكون موتي

و بعد عندي سؤال ههه أدري أسألتي وايد بس شو أسوي أريد الجواب ...

هممممَّ ،ٓ

من فترة أحس جسمي يحررررررر من الداخل

لدرجة أحس إني قاعدة في الفرن ...

حتى فجأة أحس قلبي يقبلني و بقوة و يعورني وايد...

شو هذا بسبب شو !؟!

حتى أحس ساعات الكل جي قاعدة أودعه أنا

اليوم رحت المدرسة لأني متخرجة من سنتين تقريباً يعني

المهم سلمت على مدرسا تي و جي

عقب ما رديت فسرت زيارتي للمدرسة و سلامي لمدرساتي ب الحلم و البشارة و قرب موتي ...

ههه على كيفي صح !؟!

بس مادري أحس كل شيء واضح

( الله المستعان )

أتريا ردودهم حلوة اللي تريح البال و تطمنه و تشرح النفس ...~

المصدر: نفساني