نفساني - عرض مشاركة واحدة

09-10-2012, 03:08 AM

السلام عليكم ورحمة الله وبركاته
انا موضوعي طويل شوي ..?
انا شاب عمري 34 سنه واعاني من حاجات كثيره ومااقدر اشخصها لأني ما قد راجعت عند دكتور نفسي،،،
1- انا اغلب الأوقات اتخيل انه بيجيني خبر وفاة واحد من اخواني او الوالده عسى الله يطول بعمرهم يارب او اتخيل ان واحد من اخواني سوى مشاكل فالبيت ورحت اتفاهم معاه وتطورت المشكله وقتلته وبعدها ندمت والمشكله اتخيل انه مات واحس نفسي حزنت عليه واجلس مقهور من نفسي ومن التفكير هذا.
2-وكمان احس اني اتلعثم فالكلام مع اي شخص غريب واضيع فيه ولا اقدر اواجه احد ومااحط عيني بعين اللي اتكلم معاه ودائمآ مااواجه بقوه الا اذا كنت منفعل ومعصب فقط.
3-واحس ان فيني الخوف بزياااااده من حوالي خمس سنوات مع العلم قبل ماكنت اخاف من اي شي الحين احس اني اخاف من كل شي واخاف على اخواني واخواتي اكثر من الوالده مع اني متأكد مابخاف اكثر منها وهذا اللي حسسني ان في شي مو طبيعي دائمآ أسأل عنهم واوصيهم ينتبهو فالطريق واحذرهم وأأكد عليهم وفالأخير احس ان مو على بالهم شي وبعدين انا قلت فنفسي انا شكلي مبالغ كثير فكل شي.وكمان اذا دق جوالي بأخر الليل احس ان فيه مصيبه او خبر وفاة او شي واحس نفسي دائمأ مفجوع.
4-الخجل الشديد هذا حتى الضحك والله احس نفسي مااعرف اضحك ماادري من كثر الهم والمشاكل والا اش الأسباب علمأ بأني تحملت مسؤلية عائلة بعد وفاة والدي رحمه الله وانا عمري 16 سنه والى الأن وانا متحمل المسوؤليه وتراكم الديون علي احس اني راح انفجر. (( اعتقد كل المشاكل النفسيه موجوده فيني ))
تكفى يادكتور اذا فيه علاج او اي شي انصحني فيه قسمأبالله طفشت لأني احس العالم بوادي وانا بوادي ثاني وماني عارف الى متى بجلس عالحال هذا...
وآسف عالإطاله بس حبيت توضح الصورة والله يعطيك الف عافيه ان شاءالله.

المصدر: نفساني