المشاركة الأصلية كتبت بواسطة ابو علي313

ياخي انت انسان عاقل وتفكيرك منطقي، لاتخلي غيرك يتخذ قرار عنك، لانك انت اكثر واحد تعرف نفسك ونفسيتك ومشكلتك النفسية،، يعني انت بنفسك قلت ان البنت تريد واحد يدلعها ( وهذا من حقها ) فلا تخدع بنت الناس وتسويها مسألة حظ ترا بالنهاية انت تكون مسؤول،
يعني بما انك تشوف نفسك مو قد مسؤليات الزواج ( وهذا ألف بالمية من أعراض الاكتآب وليس من ضعف شخصية او غيره ) ف عالج نفسك وبعدين الله بيسهل عليك،
انا نفسك اهلي دايم يقولوا نريد نشوف عيالك بس اجاملهم واقول ان شاء الله قدام، لكني في نفس الوقت اتعالج بالأدوية والحمدلله حالي احسن ب 85% من قبل ولا شكيت اعراض جانبية،،
وبعدين انا الومك كثيييير، الله عطاك نعمة العقل وتفكيرك سليم لكنك تنتظر تتشافى بدون دواء وهذا مو تفكير منطقي!
انت كثير مهول مسألة الأدوية، ترا خلي في بالك ان اللي يكتب في الانترنت هم اللي مانفعتهم الادوية بينما اللي استفادوا تحصلهم في عالم ثاني بعيد عن منتديات الاكتآب،
انت ركزت على الجانب السلبي ورحت تفكر في اللي ما استفادوا من الادوية ( وهذا شي طبيعي لان الاكتآب مايجيب في بالك الا اتشاؤم والتعاسة ) ونسيت تشوف الجانب المشرق في الادوية وان ناس رجعوا لحياتهم الطبيعية والبعض صار احسن من قبل وهذا بفضل الله ثم الادوية،
تسبب ضعف جنسي ( بعض الادوية، ولما تتركهن ترجع طبيعي )
تسبب سمنه ( احيانا، وتقدر تتحكم بطعامك وتمارس رياضة )
كثير منا انتظر الاكتآب يروح بدون ادوية لكنه ماراح بل زاد بعده، ف الانتظار ما اتوقع بيفيد بشي،،
ربما " حشيشة القلب 300 + مود ايد " تفيدك ( انا شخصيا ماجربت لاني قريب سمعت بيها وحاليا استخدم دواء ف اخاف يصير تعارض،،
المهم لاتضيع الوقت عالفاضي، اسعى والله يسعى معاك وان شاء الله تتشافى وتعرس وتجيب اولاد وترسل صورهم بالمنتدى تبشرنا هههه،

الله يوفقك ويسهل امرك بإذنه..