ميمو الحبوبه

بيانات اضافيه [ + ]

رقم العضوية : 39926  تاريخ التسجيل :  08 2012  أخر زيارة : 04-11-2012 (02:24 AM)  المشاركات : 7 [ + ]  التقييم :  10

لوني المفضل : Cadetblue

أشكرك ع حرصك .. ومتابعه حالتي ....
بقولك ع موقف امكن يساعدك ع فهم حالتي ...انا عملت عمليه ليزك ف عيوني وكنت ارجع عند دكتوره بحكم انه سار عندي خدش ويلزمني المراجعه المستمره .. وكانت جدا عاديه علاقتي مع الدكتوره وهيه كانت محترمه معايا جدا وكنت الاحظ اهتمامها بي كثيرا .. وبعد عده زيارات قالت لي (انا احبك وارتحتلك كثير واتمنى لك كل خير لانك انسانه طيبه وقالت باعطيك رقمي نتواصل مع بعض اكثر وانا اول مره اعطي رقمي احد من المراجعين ) وف الزياره اللي بعهدها اللي كانت ف رمضان اللي قلتلك عليها لما صافحتها حست هيه برجفه يدي وقالت لي ايش فيك تترجف يدك انتي كذا ...وكنت مرره مستحيه منها مدري ايش حصل فيه حتى هيه لاحظت وقالت ايش فيك دايما انت ماشاء الله تتكلمين ...
المهم ي دكتور من بعد هذه الزياره وانا الحمد لله ع كل حال .. ف حاله مايعلم بها الا الله من التفكير ف هذه الانسانه وف حالتي اللي استحدثت عندي ...
عندي زياره بعد الحج وخايفه ان يدي تترتجف .. وصدقت عندما قلت اني اسعى الى المثاليه وهذا انا ملاحظته ع نفسي .للاسف ..
أريد ان اكون طبيعيه زي اول ..
وبالنسبه لسؤالك لو لاحظ الاخر اللي يحصل راح احرج ويوضح ع وجهي كثير ..
نعم خوفي من ملاحظت الناس لي ان يدي تترجف .. ترى ي دكتور يدي فعلا تترتجف لما ارفعها .. دايما خاصه اذا كان اللي بصافحه مو منتبه لي وكان مشغول وانا رافعه يدي مرره تترتجف ..بعدين انزلها لين انبه الشخص...
نعم اعرف فضل المصافحه وهذه الشي اللي مضايقني اخاف حالتي تتطور واتجنب مصافحه الناس ..
سامحني ....سامحني .....سامحني ...... ع الاطاله ...ولكم دعوه ف ظهر الغيب ...