نفساني - عرض مشاركة واحدة

21-10-2012, 11:32 PM

اقتباس:

المشاركة الأصلية كتبت بواسطة منتضر الفرحه

انا شخص حرام اني اعيش بالحياه انا لما اشوف شخص مثلا صارله حادث وهو موضف او متزوج يعني انسان ناجح اقول حرام المفروض انا يصيرلي الحادث لان انا ماسوى شي

انا شخص مالي اي علاقات اجتماعيه متينه دايم احاول اهرب من الناس لاني احس انهم يكشفوني لان نفسيتي تعبانه وسببلي رهاب اجتماعي شديد

هذا غير الاكتئاب الي يخليك تكره نفسك وتكره كل شي

وانا ماعندي ثقه بنفسي ثقتي بنفسي صفرررررررررررررررررررررررررر فيه علاج للثقه بنفس؟؟

انا على فكره تراني كافر وماحب الدين ولا احب الصلاه وربي قاعد يعذبني رغم اني اصلي وادعي بقددر ماستطيع لاكن دايم انحبط لان ماشوف اي نتيجه

سوريا يتذبحون ولا لهم ناصر انا من سنوات اعاني واشوف من حولي اصحاء وانقهر والرسوال عليه الصلاه والسلام تعوذ من قهر الرجال وانا ياما انقهرت

الزبده ابي اعرف شفيني لان صرت اكره الدين لما اصلي يزيد الاكتئاب علي شالموضوع الي يعرف شيخ بالدمام والخبر والاحساء يقرا قرايته ممتازه يعطيني عنوانه واسمه

لاني انهلكت الناس يفكرون بالعيد وانا افكر كيف اخلص من هالوضع ههههه والله مسخره مسخره

شر البليه مايضحك اه ياقلبي يامسكين ماعشت حياتي مثل الناس اه بس اه انظلمت بهالحياه والي ظلمني معروف

والله المسخرة يا خوي باحساسك هاذ حرام عليك اش قدر انت ظالم لنفسك
والله ثم والله ثم والله ثمممممممممم والله اني انا اناظر لنفسك هاذي الي انت مزدريها نظرة اعجاب شديييييييييييييييييييييييييييييييييد
أحب اقلك انك انسان عظييييييييييييييييييم والله ما اقولها كعبارة تشجيعية لك ولا وربي لكن اقولها من حق لنفسك الي انت ظلمتها
تدري ليه؟
لسبب واحد
انا لما قريت كلامك وانت تقول انا كافر ظنيت انك منت تارك معصية الا وعاملها وبسبب هالشي كرهت نفسك كل الكره لكن تعجبت لمن قلت (اصلي وادعي) عرفت ان انسان وصل لهل المرحلة من الاكتئاب والرهاب ووووووو
ومع هاذ كله يصلي فهو انسان عظيم جدا لان والله ياخوي انا لي اخ صحيح وما فيه غير العافية والله منعم عليه من اكثر نعمه وهو ما يصلي
وانت يا خوي الظاهر ان لديك اكتئاب شديد والظاهر ان الحياة معك مقفلة من مجاميعها الا انك تقول اصلي (أسأل الله أن يتقبل منك ويزدك هداية ونعيم)
فمش حرام عليك تقول انا كافر
لا ياخوي انت مو كافر انت عبد شكور تصلي وتدعي وانت حالك اقل من حال كثير من الناس تدري منو الكافر ؟ الكافر هو شيطانك الي يوسوسلك بهالشي لين تترك الصلاة
يوسوسلك بان دعاءك ما هو مقبول لين تقنط من رحمة الله
يا خوي اي كفر واي كره للدين الي تقول عليه وانت تستشهد بقول الرسول عليه من ربي افضل الصلاة واتم التسليم
ترى ياخوي نعمة الايمان مو باي احد يحصلها في كثير ناس متنعمه من نعم ربها وبالاخر ما تأمن بوجود اله وما بتأمن برسالة سيدنا محمد عليه الصلاة والسلام
وابسألك سؤال من حاله افضل انت ولا ملك كافر ؟ لا ياخوي انت افضل ولو اني متأكد ان وسواسك رح يقلك خلاف هالحقيقة
ياخوي اكثرنا مرينا بوساوس مثلك والشيطان حطمنا وحنا نقول ان املنا بالاخرة يبي يحطم لنا هالامل وقبل 3 ايام بالتحديد جتني مثل وساوسك هذي لكن عرفت انها مجرد وساوس وقلت اني انا مؤمن والحمد لله وان شيطاني هو الكافر وما عدت التفت لها ابد
يا خوي اذا تعسرت الدنيا امامك شوي فانت مانت بفاشل ودليل نجاحك اصلا انك في هالمنتدى وان الفاشل الي تقول عليه الي خسر دنيتوه واخرته
تدري يا خوي ليه ناظرتك نظرة معجب لاني مريت بنكسة اكتئاب وسبته اني ما حصلت شي اريده وكانت نكسه خفيفة واعملت الزود عنك والظاهر يا خوي انت تمر بظروف تتضاعف عن ظروفي بمئات المرات

والحين تدري شنو ناقصك لحتى تصير احسن من الجميع وتغير نظرتك هذي
انك تزور طبيب نفسي وتبحثث عن احسنهم وانا ما عرف الصحيح شنو المانعك، ياخوي ان كان المانع مادي ياريت تقلنا وان شاء الله الي يقدر يساعدك في هالمنتدى ما رح يقصر
نبي منك تساعد نفسك وما رح تعرف فرحتنا بيك ان تعالجت وان شاء الله تتخلص من الرهاب والاكتئاب والوساوس بالقريب العاجل
ولا تنسى ترقي نفسك بالمعوذات كل يوم مع التزامك بالي يقول عليه الطبيب
وابي اذكرك ان الله اذا احب عبد ابتلاه
وان امر المؤمن كله له خير
ارجوك ما تنسى هالجملتين
الصحيح اني اليوم قبل افطاري دعيتلك بالشفاء وتفريج همك وخصيتك بالدعاء
أخوي ترى ننتظر منك كلام غير هالكلام
لك منا الدعاء