إسراء فهد

بيانات اضافيه [ + ]

رقم العضوية : 41161  تاريخ التسجيل :  11 2012  أخر زيارة : 26-01-2013 (12:39 PM)  المشاركات : 163 [ + ]  التقييم :  10

لوني المفضل : Cadetblue

وسواس الموت وقف حياتى

السلام عليكم ورحمة الله وبركاته..
انا مبسوطة جداً انى لقيت المنتدى دة ولقيت القسم دة فيه
انا بعانى من المرض دة ليّا اكتر من شهرين بدأ معايا لما واحدة صاحبتى حكتلى انه فى واحدة تعرفها ماتت فجأة من غير مقدمات وانا جالى مرضت بعدها بساعات ومن وقتها وانا كل يوم بكاء ورعشة وضربات قلب سريعة احس كأنه هيقف والحياة سوداء قدامى مبقتش استمتع بأى حاجة فى الدنيا
انا كمان مخطوبة بقيت اخاف كل لما نتكلم انا وخطيبى عن المستقبل او الشقة
وقبل النوم دى قصة تانية خالص بخاف انام و معرفش انام الا وانا جمبى مصحف و بحس انى هنام مش هقوم و الاحلام بقى مقولكوش عليها رابطة اى حلم ب انى هموت حتى لو تفسيره خير
كمان كنت سمعت ان الانسان بيعرف قبل موته ب 40 يوم فضلت متعذبة قسماً بالله لحد ما خلصوا
دلوقتى انا بدأت استوعب انه وسوسة من الشيطان الرجيم و بحاول اطلع الافكار دى من دماغى قد ما اقدر وبدأت اتحسن الحمد لله ولكن بقول ما يمكن انا كويسة علشان هيحصل حاجة وخايفة جداً وعايزة ارجع لحياتى الطبيعية
طولت عليكم انا عارفة بس انا ما صدقتالاقى حد يحس بيّا

المصدر: نفساني