السلام عليكم و رحمة الله و بركاتة
شَّخَّبَّاَّرَّكَّمَّ كَّلَّنَّ بَّحَّاَّلَّهَّ !؟!...***
إن شاء الله بخير و ما تشكون باس
آآه لو أقول لكم إني مضايقة أحس هالكلمة صغيرة
في حق اللي أنا قاعدة أحسه هالأيام
وسواس الخوف من الموت + أحلاااام أعوذ بالله منها + كارهة حياتي + وسوسة في كل شيء !
من يومين و أنا أحلم أحلام ..
فيها موضوع الموت و موضوع عادي جداً بس أنا أخاف وايد منها
وما أبالغ لكم بكلمة أخاف
حتى أحس إن أنا في نومي مضايقة و مش مرتاحة
و أنش و أنا ضايقة و خايقة و أفكر في الموضوع أو الحلم كثيراً .
و فوق ها أحس إني كارهة كل شي في حياتي
أحس روتيني مستوي ممل جداً
صح إني أفضل أيام الجامعة عن الإجازات
لأن في الإجازات و خاصةً إذا ما ظهرت من البيت
أحس نفسيتي تتعب أكثر
و خاصة وسواس الخوف من الموت يزيد عندي بكثرة في هالأيام
بس بعد أحس إني مش مرتاحة أبد في الجامعة
ولو إني أمشي وقتي و أشغله بَّ السوالف مع صديقاتي و قرآءة مواضيع مختلفة
و قصص و وروايات و تويتر و برنامج إنستقرام للصور
بس بعد .....
اليوم شو صار !؟.
ربيعتي كانت ترمسني في الباص اليوم
و فجأة قالت
إنها حلمت إن ضرسها يطيح
أنا ويهي صار مخيف
على طول خفت
و قالت و أم ربيعتها توفت
يعني هي حلمت في الإجازة اللي طافت يوم السبت يمكن
و أم ربيعتها توفت أمس
* الله يرحمها و يغفر لها *
بس بعد خفت قعدت أقول في قلبي
تفسير هالحلم أبد مش زين أعوذ بالله منه
يدل على الموت
ليكون أنا موتي قريب عشان جي هي خافت ؟
بس هي قالت إنها حلمت قبل كمن يوم
و أم صديقتها توفت
بس بعد خايفة مادري ليش ؟
ساعات أقول لو بالفعل الإنسان يحس بقرب موته
ولو إنه مافي هالشيء
أساساً هو ما بيحس باللي نحن نحسه
يعني بيكون إحساسه مختلف تماماً عن الإحساس المخيَّف اللي نحن نحسه
و أقول يعني لو مثلاً حد حلم فيه أو حلم حلم تفسيره الموت أو قرب الموت
هو ما بيحس ب شيء بالعكس ما بيفتكر
لأن الإنسان ما يحس بقرب موته صح ؟؟؟؟
بس فجأة أنكر و أقول .. مادري حتى شو أقول
يعني أنا لو تشوفون حالتي هاي الأيام
بكسر خاطركم
أحس إني مب في الدنيا أحس إني مودعتنها خلاص
أحس إني بموت قريب
كل شي أشوفه أحس إني أشوفه لآخر مرة
و أحس بإحساس غريب أعجز حتى عن وصفه أو شرحه لكم
قمت أخاف أنام لأني مابا أحلم ب شيء يخوفني :(
مابا أتضايق
أبا أفرح وين بلقى الفرح ؟
أنا أؤمن أنَّ بي يوم و كلنا راح نموت
سواء خفنا أو ما خفنا
لكن ما أريد أتعذب قبل لا أموت
بس ودي أرجع مثل قبل ودي ترجع حياتي مثل قبل و أحسن
أدري إن الله إذا أحَبَ عبداَ إبتلاه
الله يحبنا و يبانا نصبر
لكن أحس إني تعبانة كثير
أؤمن إن بعد هالعسر يسر و بعد هالصبر فرج
بس مب قادرة أتحمل شي أبداً ......
و غير ها أوسوس في كل شي أعيد الأشياء كذا مرة
أحس لو ما سويتها بموت أو بيستويبي شي أو حتى يمكن أتعاقب عليها
"تعبت خلاص ><"
صبراً جميل والله المستعان
ساعدوني الله يخليكم
أنا وايد خايفة من حلم ربيعتي و بعد من أحلامي اللي أحلمها
يمكن أحلامي من الشيطان
بس حلم ربيعتي شو تفسيره :( ؟
هل تفسيره تحقق لما ماتت أم صديقتها
أم ...........؟
الله يعلم
خايفة كثير
ردوا عليه و طمنوني الله يطمنكم و يريح بالكم و يدخلنا الجنة أجمعين بغير حساب يا ربَّ